တို့တောရွာ (သိပ္ပံမောင်ဝ)

တို့တောရွာကားအထက်အညာတွင်ရှိလေသည်။အညာဆိုသည်မျာလည်း အလွန်အညာကျ သော အညာမဟုတ်။ မန္တလေးနှင့်မြင်းခြံအကြားဧရာဝတီ
မြစ်ကမ်းတွင်တည်ရှိ၍ ရွာလည်းမက မြို့လည်းမကျသော မြို့လေးတစ်မြို့ကိုဆိုလေသည်။နံနက်စောစော မန္တလေးမှ မြင်းခြံ သဘောင်္ဖြင့်ထွက်လာရာ
အဆိုပါမြို့ကလေးသို့၁၁နာရီခွဲခန့် အချိန်တွင် ရောက်၏ ။ နေပူကျဲကျဲ ဖုန်တထောင်းထောင်း ထနေ သော ကမ်းပါးပေါ်တွပေါ်ဖြင့် မြင်းခြံ၏သဘောင်္၏
အလာကို စောင့်စားနေကြသော လူထုကြီးကိုသဘောင်္ပေါ်မှနေ၍ မြင်ရသော် ယင်းသဘောင်္ပေါ်တွင် ပါလာသော အမတ်ချူပ်ကြီးသော်လည်းကောင်း၊ခရိုင်
မင်းကြီးသော်လည်ကောင်း တစ်ယောက်ယောက်အားကြိုဆိုရန် စောင့်စားနေကြသည်ဟု ထင်မှတ်မိ၏ ။ ။

ဤသို့ကားမဟုတ်ပေ ။ထိုမြို့သားတစ်ယောက် တက္ကသိုလ်ကျောင်းမှ ပြန်လာသည် ကို အထူးအဆန်းလုပ်ကာ အကြီးအကျယ် ကြိုဆိုကြခြင်းဖြစ်လေ သည်။
ရှေးအခါက ထိုမြို့မှ တက္ကသိုလ် ကျောင်းသို့ ရောက်ဖူးသူ တစ်ယောက်မျှ မရှိခဲ့ပေ။ယခုမှသာလျှင် မိမိတို့ အရပ်မှ ထူးထူးချွန်ချွန် တက္ကသိုလ်ပြည်သို့စာသင်
သွားပေသည်ဟူ၍  အားရနှစ်သက် ကာ ကြိုဆိုကြခြင်းပေတည်း။ဘုရင်ခံချူပ် လာစဉ်က ရန်ကုန်သူ ရန်ကုန်သားတို့ ခရီးဦးကြိုပြုကြသည်ထက်ပင် ပိုမို၍
နှစ်သက်အားရစွာ ကြိုဆိုကြလေ သည်။

တက္ကသိုလ်ကျောင်းသားတစ်ယောက် မိမိနေရပ် သို့ ပြန်လာသည်ကိုပင်  အရေးတကြီးဦးကြိုပြုကြသည်မှာ ရယ်စရာပါတကားဟု မြို့ကြီးသားတို့ က ရယ်ချင်
ရယ်ကြပေလိမ့် မည်။ ဤသို့ ပျက်ချောချော် သရော်တော်တော်လုပ်ကာ မရယ်သင့်ပေ ။မြန်မာပြည်မှ အင်္ဂလန်ပြည်သို့ "ပညာတော်သင် "များ သွားကြခါနီးတွင်
ထမင်းကျွေးလိုကျွေး ၊အငြိမ့်ခံလိုခံ ။အင်မတန်မှပင် ကြီးကြီးကျယ်ကျယ်လုပ်ကြသည် မဟုတ်ပါလော ။ဤ အကြောင်းကိုကြားလျှင် အင်္ဂလိပ်များက ရယ်ကြမည်
လား မပြောတက်ပေ ။သို့ရာတွင် သူ့နေရာနှင့်သူ ထင်ရာလုပ်ကြ တမ်းပေပလေ  ။

တို့တောရွာဓလေ့က တစ်မျိုး ၊မြို့ကြီးသားတို့ ဓလေ့ က တခြား ။တူနိုင်ပါ့ မလားမောင်ရို့ ။ နံနက်ခင်းတဲ အနီး မီးလှုံကာ ထန်းမြစ်ဖုတ်စား ။ပဲပြုတ်နှင့် ထမင်း
ကြမ်းကို လက်ဖက်ရည်ကြမ်းနှင့်မြည်း ။ဆိမ့် တိမ့်တိမ့် ၊အီတီ တီ   နတ်သုဒ္ဓါမီပါ့မလား ။ထမင်းစားပြီးလျှင်  ယာခင်းထဲသွား ပျော်ပါးစွာ ပလွေမှုတ်သူမှုတ် ။
သီချင်းတကြော်ကြော်အော်ဆိုသူဆို ။ပျော်စဖွယ်လိ ။နွားကျောင်းသွားသူတွေက မရှား။ငှက်ခါးထောင်သူတွေက ထောင် ။ချိုးပစ်သူပစ် ။ စစ်တလင်းမှ စစ်ခင်းကြသလို ။

ညနေခင်းတွေ မြစ်ဆိပ်မှာ အပျိုတစ်သင်း ရေခပ်ဆင်းရှာ ။ တစ်ယောက် ကို တစ်ယောက် ခေါ်သူခေါ် ။ပျော်လိုက်ကြတဲ့ အပျိုတွေ ။အတင်းပြောလိုပြော ။ရည်းစား
အကြောင်းဆွေးနွေးလိုဆွေးနွေး ။ က္ကနြေ္ဒရရ သွားသူသွား  ။စကားများသူကများ ။တစ်ယောက်ကို တစ်ယောက် ကျီစားသူက ကျီ်စား  ။ထိုအပျိုတွေမှာရုပ်ချောသူချော၊
ရုပ်ဆိုးသူဆိုး ။မည်းမည်းလည်းရှိ ၊ဖြူဖြူလည်းပါ ။အကျည်းတန်သူတွေက  မရှား  ။ သနားကမားတွေက လည်းအပုံ ပင် ။

ကြွယ်ဝသူမိန်းကလေးတို့ ကား ရှက်ကြလို့ထင့် ။ရေခပ်မသွား ၊ရေစည်ကိုငှား၍   သုံးကြ သတဲ့ ။တကယ့်မိန်းကလေးတွေ ။လူတကာ ရေခပ်သွားလျှင် သနပ်ခါး
ပိန်းကျားရိုက် ၊လူပျိုကလေးတွေ အသွားအလာကို အိမ်ထဲမှနေ၍ မျကိစိအရသာ ကိုခံကြလေသည် ။

ကာလသားလူပျိုတစ်သင်းကမူကား မြစ်ဆိပ်သို့ဆင်းကာ အပျိုတွေ ရေခပ် အလာကိုကြည့်ကြ ။မြို့ဆန်ကြသူ ကို ဟ၀ါတို့ က မာဖလာကိုစီးလိုစီး ၊ဘိုကေ ကို သလိုသ
က္ကနြေ္ဒရရ နေလိုနေ ၊အဲသည် လိုဟန်ပါပါနှင့်  စံရှာနေကြ၏  ။မြို့နှင့် မနီး တောမှာကြီးရသော ကိုလူပျိုတို့ က မူကား တောသားပီပီ အင်္ကျီ နတ္ထိ ၊"ပလာတိပလာတာ"
မည်းကျိကျိ ကိုယ်ပြာပြာနှင့် အပျိုတကာ ရေဆိပ်ဆင်းလျှင်  ပလွေပြင်းပြင်းမှုတ်သတက် ။

မိန်းကလေးအပျို ကညာတို့ ကလည်း ကိုဟ၀ှာတို့ ကို မြင်ကြလျှင်  အသံပေးလိုပေး။ပြုံးသလိုပြုံးသွား ။ ရှက်လို့ ခြေလှမ်းမှားသူက မှား။ကစားသလို စောင်းပါးရိပ်ခြည်
ပြောသွားသူက ပြောသွား ။ပျော့်စရာ ပျော်စရာ ၊ပျော်စရာကြီးဖြစ်လေသည်။

မြစ်ဆိ ပ်သို့ရောက်ကြလျှင် ရေကူးသူကူး ၊ရေခပ်သူခပ် ၊ပျော်စရာပင် ။သီချင်းဆိုသူဆို  ။ မ  သံပေးလိုက်ကြသည်မှာလည်း  တကြော်ကြော် ။ဖိုသံပေးလိုက်ကြသည်မှာလည်း
အလွန်ပျော်။ တစ်ယောက်နှင့် တစ်ယောက် များစွာရင်းနှီးကျပေ၏ ။သူစိမ်းတစ်ယောက် အနားသို့ရောက်သွားလျှင် သီချင်းဆိုသူတို့ က တိတ် ။ မ  သံပေးသူ တို့ ကလည်း ဆိတ် ။
ကစားနေသူတို့ က လည်းရပ်  ။ ရှက်တက်တက် ရွံ့တွံ့တွံ့နှင့်   မျက်နာများကို အသာ ငုံနေကြလေသည် ။

မြို့မှာလို မော်တော် ကားစီးချင်သော စိတ်လည်းမရှိ ။ဘီ အေ ၊အမ်အေ အောင်ချင်သောစိတ်တို့လည်းမလာ ။ဆရာ ၊၀တ်လုံ လုပ်ချင်သော ၊စိတ်တို့မှာလည်းဝေး။ရုပ်ရှင်သို့ပြေးချင်သော
စိတ်တို့မှလည်းကင်း ။မင်းကတော်ဖြစ်ဖို့ ရာ စိတ်ကူးထဲပင်မ ထည့် ။ဖုန်တထောင်းထောင်းနှင့် လမ်းပေါ်မှာ  လှည်းကြမ်းကြီးကို စီးရလျှင် ပင် နတ်ပြည်က ဝေဇယန္တာ ရထားကို စီးရ
သည် ဟု ထင်  ။လှည်းဘီးမှ တအီအီ မည်နေသည် ကိုလည်း  ပဉ္စသိင်္ခ နတ်သား၏  စောင်းသံ ဟု မှတ်ကြ လေသည် ။

စားရသမျှ ၊ကြားရသမျှ ၊သွားရသမျှ တို့နှင့်ပင် ကျေနပ် ရှာကြ ကုန် ၏ ။လောကတွင် ကျေနပ်လျှင် စိတ်ချမ်းသာ ။စိတ်ချမ်းသာလျှင် သုခကြီးပင် တည်း ။

 ( ၁၂၉၁- တပေါင်းလ )