တို့ရွာ တို့ မြေ၊တို့ရွာမြေ၀ယ်
စေတီစပါး၊ များလည်းများ၏
များပါလေလဲ ၊တမွဲမွဲနှင့်
ဆင်းရဲကာသာ ၊ ကာလကြာလျှင်
ယာစကာမျိုး ၊ တညှိုးညှိုးနှင့်
ပုထိုးမြင့်မောင်း ၊ ကျောင်းကြို ကျောင်းကြား
လှည့်လည်သွားလျှက်
မစားလေရ ၊ ၀မ်းမ၀၍
ဆွမ်းမျှ မတင်နိုင် ရှိမည်တည်း။
ထလော့မြန်မာ ၊ အိုမြန်မာတို့
တို့ရွာတို့ မြေ ၊ တို့ရွာမြေ၀ယ်
ရေချိုသောက်ရန် ၊ မြစ်ချောင်းကန်နှင့်
သီးနှံချိုပြား၊ များလည်းများ၏
များပါလေလဲ ၊ တမွဲမွဲနှင့်
ဆင်းရဲကာသာ ၊ ကာလကြလျှင်
မြင်သာမြင်ရ ၊ မစားရ၍
တောကပြိတ္တာ ဖြစ်မည်တည်း။
ထလော့ မြန်မာ ၊ မြန်မာထလော့
အားမပျော့နှင့်၊ မလျော့လုံ့လ
သူကစ၍ ၊ ငါကအားလုံး
လက်ရုံးမြားမြောင် ၊ ညဏ်မြားမြောင်နှင့်
စွမ်းဆောင်ကြလေ ၊ ဆောင်ကြလေတော့
ဤမြေ ဤရွာ ၊ ဘယ်သူ့ရွာလဲ
ဤယာစပါး ၊ ဘယ်သူ့စပါးလဲ
ထားလော့တာဝန် ၊ ပွန်လော့ လုပ်ငန်း
ညဏ်ရှေ့ပန်း၍
တ၀မ်းတစိတ် ညီစေသတည်း ။ ။
အတွဲ(၃)၊အမှတ်(၁၁) ၁၉၃၅သြဂုတ်လ၊ကြီးပွားရေးမဂ္ဂဇင်း
No comments:
Post a Comment