ရာမာခရစ်ရှာနာ ဘုန်းတော်ကြီးသည် တရားဓမ္မကို ကြည်ညိုသူတိုင်း တောထွက်၍ တရားကျင့်နိုင်ကြမည် မဟုတ်ဟု သိထားသူဖြစ်သည်။ ထိုသို့ လောကီနယ်အတွင်းမှ စွန့်ကြီးစွန့်ကာ တောမထွက်နိုင်ကြသေးသော် လူ့ဘ၀လူ့ကိစ္စထဲတွင်ပင် သတိမမေ့မလျော့ နေနိုင်ကြရန် သပမာကလေးများဖြင့် ဤသို့ညွှန်ပြတော်မူခဲ့သေး၏ ။
လောကကြီးထဲမှ မထွက်နိုင်သေးပါဟုဆိုလျှင် လောကကြီးထဲတွင်ပင် ကျင့်ကြံနေထိုင်ပါ ။သို့သော် လောကီအညစ်အကြေး တွေကို သတိနှင့်ကင်းစင်နိုင်သမျှ ကင်းစင်အောင် ရှောင်ကြဉ်အားထုတ်ပါ ။ ရေပေါ်မှ ပျံတက်သော ငှက်တို့သည် အတောင်ကို ရေပေါ်တွင် တဖျပ်ဖျပ်ခတ်ပြီး ရေစင်အောင်ပြု၍ ပျံတက်ကြသည် ။ ရွှံ့ထဲတွင် နေထိုင်သော ငါးသည် ရွှံ့နှင့် မရောနှောပါ ။(၀ါ)ရွှံပေကျံ ခြင်းမရှိပါ ။
ပိန္နဲသီးကိုခွဲပြီးလျှင် ဆီကိုသုံး၍ အတွင်းသားကို ကိုင်တွယ်ပါက အစေးကပ်မည်ကို စိုးရိမ်ရတော့မည်မဟုတ် ။ ထိုအခါ ပိန္နဲသီး အရသာကို အနှောင့်အယှက်မှရှိ ခံစားသုံးဆောင်နိုင်၏ ။
သင်သည် ဖိနပ်စီးထားလျှင် ဆူးပေါ်သို့ နင်း၍လျှောက်နိုင်၏ ။ဘာသာရေးအသိပညာရှိထားလျှင် အန္တရယ်များသည့် လောကအတွင်းဝယ် ဘေးကင်းစွာကျက်စားနိုင်၏ ။
နွားနို့တွင် ရေရောသော် ရေသည် နွားနို့နှင့် မကွဲပြား အတူနေနိုင်သေး၏ ။နွားနို့မှ တဆင့်တက်၍ ထောပတ်ဖြစ်လာသောအခါကား ရေနှင့်ရောသော်လည်း ရေနှင့် အတူမနေတော့ဘဲ ရေပေါ်သို့သာ ထောပတ်က တက်လာပါလိမ့်မည်။ ထို့အတူ စိတ်သည် အကျင့်မရှိသေးခင်သာ မကောင်းမှု့ အ၀ိဇ္ဇာနှင့် ရောပြွမ်းနေသော်လည်းအကျင့်ရှိ၍ စိတ်အဆင့်တက်လာသောအခါ အကုသိုလ် အ၀ိဇ္ဇာနှင့် ရောယှက်၍ မနေတော့ပေ ။
“ကြေးအိုးများကို နေ့စဉ်မတိုက်ချွတ်သော် ကြေးညှိတက်၍ အသွေးရောင် ပျက်လတ္တံ့။ ထို့အတူ စိတ်ကို နေ့စဉ် လျစ်လျှုပြုထားကာ အ၀ိဇ္ဇာ အညှိတက်၏ ။”
ချောမွေ့သော မှန်အပြင်ဝယ် မည်သည့်အရာမှ မထင်နိုင်ပေ ။သို့သော် လိုအပ်သော ဓာတုပစ္စည်းတို့ဖြင့် မှန်သားကို အုပ်လိုက်သောအခါ ဓာတ်ပုံမှန်သားဖြစ်လာ၍ ၎င်းအပေါ်တွင် ကိုယ်လိုချင်သော အရုပ်သဏ္ဍန် အမှန်ထင်ပေါ်လာနိုင်၏ ။ ထိုနည်းတူစွာ လူတို့၏နှလုံးသားကို တရားနှင့် မွမ်းမံလျှင် ဘုရားရှင်၏ ပုံပန်းသဏ္ဍန် ထင်ရှားစွာ ပေါ်လာနိုင်လေသည် ။
* * *
No comments:
Post a Comment