ပထမဦးဆုံး လူမှု့ဝန်ထမ်း အာဇာနည် အမျိုးသမီးကြီး ဒေါ်ဦးဇွန်း (ခေါ်) သီလရှင်ကြီး ဒေါ်သုမာလာ(မင်းကွန်း)
(ရေးသူ =စောမုံညင်း)
မင်းကွန်း လူအိုရုံကို ပထမဆုံးစတင်တည်ထောင်ခဲ့ သူမှယ မန္တလေးမြို့မှ ဒေါ်ဦးဇွန်းဟူသော အမျိုးသမီးကြီးဖြစ်သည် ။ ဒေါ်ဦးဇွန်းသည် ပဉ္စမ သင်္ဂါယနာတင် မင်းတုန်းမင်းကြီးလက်ထက်၁၂၃၀ ပြည့် ၊၀ါခေါင်လဆန်း ငါးရက် ။သောကြာနေ့တွင် ဖွားသော မန္တလေးမြို့ ကျောက်သွေးတန်းရပ်မှ ပိုးကုန်သည်ကြီး ဦးအိ ။ဒေါ်မျှင်တို့ ၏ တစ်ဦးတည်းသော သမီးဖြစ်သည် ။ အသက် ၁၃ နှစ်အရွယ်ကပင် မိဘနှင့်အတူ ပိုးကုန်သည် အလုပ်ကို လုပ်ကိုင်လာခဲ့၏။ ၁၂၄၇ ခုနှစ် သီပေါမင်းပါတော်မူပြီး ၅နှစ်အကြာတွင် မိဘနှစ်ပါး ရှေ့ဆင့်နောက်ဆင့် ကွယ်လွန်သွားကြရာ ဒေါ်ဦးဇွန်းသည် အပျိုကြီးဘ၀နှင့် မိဘ အလုပ်ကို ဦးစီးလာခဲ့ရသည် ။
ဒေါ်ဦးဇွန်း အသက် ၃၀ အရွယ်တွင် မန္တလေးမြို့ပတ္တမြားဆရာတော်ကြီးအား အုတ်ကျောင်းဆောက်လုပ်လှုဒါန်းခဲ့၍ ပတ္တမြား အုန်ကျောင်းအစ်မ ဒေါ်ဦးဇွန်း ဟု ခေါ်လာကြသည် ။ ၁၂၇၆ ခုနှစ်တွင် ကျောင်းအစ်မကြီး ဒေါ်ဦးဇွန်းသည် ရန်ကုန်မြို့ရှိ တန်ခိုးကြီးဘုရားများကို လှည့်လည်ဖူးမြော်ရင်း စတော့ကိတ်လမ်း ( သိမ်ဖြူလမ်း)ရှိ ဘရင်ဂျီသာသနာပြု သီလရှင်များ တည်ဆောက်ထားသော လူအို ရုံသို့ ၀င်ရောက်ကြည့်ရှု့ခဲ့ရာ မြန်မာလူအိုကြီးများကိုကောင်းစွာစောင့်ရှောက် ထားသည် ကိုတွေ့ရသည် ။
သို့သော် ဗုဒ္ဓ ဘာသာထုံးစံအတိုင်း ဘုရားရှိခိုး ။ဥပုသ်သီလ စောင့်ခြင်းများ မပြုလုပ်ရဘဲ ခရစ်ယာန် တရားများကိုသာ ကြားနာနေရသည်ကိုတွေ့ရသဖြင့် များစွာ စိတ်ထိခိုက်သွားပြီး ဗုဒ္ဒဘာသာ လူအိုရုံ တည်ထောင်လိုစိတ်ပေါက်သွားသည် ။
ထို့နောက် မန္တလေးသို့ ပြန်အရောက် တစ်နှစ်ခန့်အကြာတွင် စစ်ကိုင်းတောင်ရိုး မင်းကွန်းဘက် အရိယမဂ္ဂချောင် ဆရာတော် ဘုရားကို လျှောက်ထား၍ ကမ္ဘာကျော် မင်းကွန်းခေါင်းလောင်းကြီး အရှေ့ဘက် ဧရာဝတီမြစ်၏ ညာမှ ဆန်တင်၍ ခုနှစ်မိုင်အကွာ ဗဒုံမင်းလက်ထက် မင်းကွန်းခေါင်းလောင်းနှင့် မင်းကွန်းစေတီအကြားရှိ ကမ္မဋ္ဌာန်းကျောင်းလေး သုံးကျောင်းဆောက်ကာ ဒေါ်ဦးဇွန်းနှင့် အဖော် မိန်းကလေး နေရန်နှင့် ကျန် နှစ်ကျောင်း၌ လူအိုများနေရန် စီစဉ်ခဲ့သည် ။
၁၂၇၈ ခုနှစ်ဆန်းတွင် အသက် ၉၈နှစ်အရွယ် ရှိ အဘွားအိုနှင့် အသက် ၉၅ ခုနှစ်အရွယ်ရှိ အဘိုးဆင့် အပြင် အသက် ၈၅နှစ်ရှိ အဘွားမယ်တို့ကို ဒေါ်ဦးဇွန်းထံ လာရောက် အပ်နှံကြရာ ဒေါ်ဦးဇွန်းကိုယ်တိုင် ချက်ပြုတ်ကျွေးမွေး၍ ဥပုသ်နေ့များ၌ သီလ ယူကြရာကြောင်း ။နှစ်နှစ် အကြာတွင် လူအို ၂၀ခန့်ရောက်လာပြီး ရန်ကုန်မြို့ အိန်အန်တောင် ကျားတံဆိပ်ဆေးတိုက် ညီ အစ်ကိုနှစ်ယောက် က ဆေးဝါးများကို မန္တလေးတိုက်ခွဲပိုင်ရှင် ကျားသူဋ္ဌေးတို့၏ ဦးလေးဖြစ်သူ ဦးဘိုးကျင်မှ တစ်ဆင့် မင်းကွန်းလူအိုရုံသို့ ပေးပို့ လှုဒါန်းခဲ့ကြလေသည် ။
အမြို့မြို့ အရွာရွာမှ လူအိုများလာရောက်ပို့လိုကြောင်း စာများ ရောက်ရှိလာပြန်ရာ ဒေါ်ဦးဇွန်းမျာ ကျောက်သွေးတန်းရှိ ၎င်း၏တိုက်တွင် ပုဂ္ဂိုလ်ငါးဦး ပါဝင်သော ဗုဒ္ဓဘာသာ လူအိုရုံအသင်းကို ဖွဲ့စည်းကာ ရုံးတော်၌ မှတ်တမ်းတင်ထား လိုက်ကြသည် ။၎င်း ပုဂ္ဂိုလ်များမှာ နာယက ဒေါ်ဦးဇွန်း ၊ကျားဆေးတိုက် ကိုယ်စားလှယ် ဦးဘိုးကျင်း ၊ ဘီ-အိုင်-အေ ဦးမောင်ကြီး (စာရင်းစစ်) ၊ ဦးဘကျန်း ( ငွေထိန်း) ၊ဦးလှကျော် (အတွင်းရေးမှုး) ၊ နှင့် ဦးဘိုးကျင်တို့ ဖြစ်ကြသည် ။ လူအိုရင်ကို ခေတ်မှီ လျှပ်စစ်နှင့် ရေမီးသွယ်ပေးသည့်အပြင် လူအိုရုံသို့ သွားလိုသူများအဖို့ လူတစ်ရာစီးနိုင်သော မော်တော် ။သင်္ဘော ကိုလည်း မန္တလေးမှ မင်းကွန်းသို့ အခမဲ့ပို့ပေးခဲ့သည် ။ ကျွန်မတို့ မန္တလေး အေ-ဘီ -အမ် ကျောင်းနေစဉ်က မကြာခဏ သင်္ဘောနှင့် ရောက်ခဲ့ကြဖူးသည် ။ ရှစ်နှစ်ကြာသောအခါ ရန်ပုံငွေများကလည်း တိုးလာသဖြင့် အဆောက်အဦးများကိုလည်း တိုးချဲ့နိုင်ခဲ့ သည် ။ သထုံ ၊ပေါင်းတည် ၊ ရန်ကုန် နှင်းဆီကုန်းနှင့် ပခုက္ကူမြို့များကလည်း လူအိုရုံ လာရောက်တည်ဆောက်ပေးရန် တောင်းပန်လာသည့်အတွက် ဒေါ်ဦးဇွန်း နှင့် ဦးမောင်ကြီး ၊ဦးဘကျန်းတို့သည် ၁၂၈၉ ခုနှစ် ၌ သထုံမြို့ မြသပိတ်တောင်ခြေရင်း၌ ၎င်းကောင်း ။၁၂၉၀ ခုနှစ်တွင် ပေါင်းတည် ၌ ၎င်း ၊ ၁၂၉၅ ခုနှစ်တွင် ရန်ကုန် နှင်းဆီကုန်းဘိုးဘွားရိပ်သာ လူအိုရုံကို၎င်း ၊၁၂၉၉ ခုနှစ်တွင် ပခုက္ကူမြို့၌ ၎င်း တည်ဆောက်ပေးခဲ့လေသည် ။
၁၂၉၀ ခုနှစ်တွင် ပေါင်းတည် လူအိုရုံက အသက် (၆၀) ပြည့်ပြီးသော ဒေါ်ဦးဇွန်းသည် လူဝတ်ကြောင်မှ သီလရှင်ဘ၀သို့ ပြောင်းလဲကာ ဒေါ်သုမာလာ ဘွဲ့ကို ယူခဲ့လေသည် ။သို့ရာတွင် တိုင်းပြည်ကမူ ဒေါ်ဦးဇွန်းဟုသည အခေါ်များခဲ့သည်။ ယခုအခါ ဖြူး၊မော်လမြိုင်၊ မန္တလေးတောင်ခြေ၊ ပြည် ၊ပုသိမ် နှင့် မြောင်းမြ မြို့များ၌လည်း ဘိုးဘွားရိပ်သာဖွင့်လှစ်ပြီးခဲ့ပေပြီ ။ အဘွားဦးဇွန်းနှင့်အတူ စေတနာ့ဝန်ထမ်း အချိန်ပြည့် ကူညီ လုပ်ကိုင်လာခဲ့သူမှာ မကြာမီမှ ကွယ်လွန်ခဲ့သော ဘီအိုင်အေ ဦးမောင်ကြီးပင် ဖြစ်သည် ။ ယခုအခါ ဆယ်သိန်းမက(ထိုခေတ်ငွေတန်ဖိုး) တန်သော အဆောက်အဦးများကို ပြည်သူလုထု စေတနာရှင်များ၏ အလှုငွေနှင့် တည်ဆောက်ခဲ့ ပြီးဖြစ်သည် ။
၎င်းဘိုးဘွားရိပ်သာများ၌ ရှေးက အနုပညာမင်းသား၊မင်းသမီး အဆိုကျော် အတီးဆရာကြီးများလည်း ပြုစုခံလျှက်တွေ့ရသည် ။ ဂေဟာရှိ ဝေယျာ ဝေစ္စ ပြုလုပ်ပေးသော အမျိုးသမီးလေးများက သွေးရင်းသားရင်းနှင့်မခြား ယုယပေးကြသည် ။မင်းကွန်း လူအိုရုံတွင် ဘိုးဘွား (၁၆၀ ) ကျော်ရှိသည် ။ နံနက် ကိုးနာရီ သံချောင်းခေါက်လျှင် အသီးသီး စားသောက်ဆောင်သို့ သွားကြရသည်။ လေးယောက်တစ်တွဲ ထိုင်ကြရသည် ။ ဘိုး တို့ က အင်္ကျီအဖြူ ၊ယောဂီရောင် လုံခြည်၊ဘွား တို့က အင်္ကျီ အဖြူ ၊ယောဂီရောင် ထဘီနှင့် အချို့သီလရှင်များလည်း ရှိကြသည် ။ပြုစုသူလေးများမှာ အင်္ကျီအဖြူ ၊ ထဘီအပြာဆင်တူနှင့် လူအိုများကို တရိုတသေ ကျွေးမွေူပြုစုကြသည် ။
တာဝန်ရှိသူတစ်ဦးက ယနေ့ ဘိုးဘွားများကို ကုသိုလ်ပြု၍ ကျွေးမွေူသူ စေတနာရှင်မှာ မည်သူမည်ဝါဖြစ်ကြောင်း ဖတ်ကြားသွားလျှင် ဘိုးဘွားတို့က မေတ္တာပို့ပေးကြသည်။မကျန်းမာလျှင် အဆောင်သို့လာ၍ ထမင်းပို့ပေးကြသည် ။ ကိုယ်တိုင်ကိုယ်ကျ ထမင်းဟင်းခွံ့ ပေးသည့် အခါလည်းရှိသည် ။ အိုခြင်း ၊နာခြင်းမှ မကင်းနိုင်စေကာမူ အ၀တ်အစား ဆင်းရဲခြင်းမှ ကင်းငြိမ်းလျှက်ရှိကြသည် ။ ထိုအတွက် မပူမပင် သောက ငြိမ်းကြရသည် ။
ဒေါ်ဦးဇွန်းသည် အသက် ၇၆ နှစ်မှ ၁၉၄၄ ခုနှစ် ၊မေလ ၁၁ရက် ၊၁၃၀၆ ခုနှစ်တွင် မင်းကွန်းလူအိုရုံ၌ပင် ကွယ်လွန်သွားခဲ့သည့်နောက် ဦးမောင်ကြီးနှင့် လူအိုရု့ အဖွဲ့ဝင် လူကြီးများက ဆက်လက် စောင့်ရှောက်၍ စေတနာရှင်များနှင့် အစိုးရ လူမှု့ဝန်ထမ်းဌာန၏ အကူအညီဖြင့် တိုးတက်လာခဲ့ရာ ဘိုးဘွား (၃၀၀ ) အထိ လက်ခံနိုင်ခဲ့သည် ။ဦးမောင်ကြီး ထုတ်ဝေသော မြန်မာ့ဦးဇွန်း ဂျာနယ် ဟူ၍ပင် ရှိခဲ့ရာ ဒေါ်ဦးဇွန်းအမည် ကို ရည်ရွယ် ခဲ့ လေသလား မသိပါ။
၁၉၆၅ ခုနှစ် ၊ဇန်န၀ါရီလ ၁၁ရက်တွင် မင်းကွန်း ဗုဒ္ဓဘာသာ လူအိုရုံသည် နှစ် (၅၀) ပြည့်သဖြင့် ရွှေရတု သဘင် ကျင်းပခဲ့သည် ။ နာယက ဆရာတော်များ ၊ အမှု့ဆောင် လူကြီးများနှင့် ပြည်သူလူထုက စိန်ရတုသဘင် ကျင်းပရန် ကြိုးပမ်းလျှက်ရှိကြသည် ။
လူမှု့ဝန်ထမ်းဌာနမှလည်း နှစ်စဉ် ဆန် ၊အ၀တ်အစား ၊အလှုငွေများ ပေးပို့လှုဒါနးခဲ့သည် ။ရပ်နီး ရပ်ဝေး စေတနာရှင်များကလည်း လှုဒါန်းကြ၍ တစ်နေ့စာ (၃၀၀) (ထိုခေတ်ငွေ) ကျပ်နှုန်းဖြင့် လှုဒါန်းလျက်ရှိခဲ့စည် ။မင်းကွန်း လူအိုရုံသည် စည်းစနစ်ကျန၍ ပြုစုမှု့ကောင်းခြင်းော့ာင့် တိုးတက်ခဲ့သည် ။ဘိုးဘွားတို့ ကျန်းမာရေးအတွက် ဆေးပေးခန်းနှင့် အမြဲတမ်းဆရာမလေးနှစ်ဦး ။အလှည့်ကျ ဆရာဝန်နှင့် မြန်မာသမားတော်များလည်း လာရောက် စောင့်ရှောက်ကြသည်။
အသက် ၉၀ ကျော် ဘိုးဘွားများမှာ မာမာချာချာနှင့် အေးငြိမ်းစွာ ပုတီးစိပ်၍ နေနိုင်ကြခြင်းမှာ အမျိုးသမီး အာဇာနည် စေတနာရှင်ကြီး ဒေါ်ဦးဇွန်း ၏ ကျေးဇူးကြောင့် ဖြစ်သည် ။နှစ်ပေါင်းများစွာ ကျွေးမွေးစောင့်ရှောက်ခဲ့သော ထိုပုဂ္ဂိုလ်ကြီးအား ဂုဏ်ပြုသည့် အနေဖြင့် မင်းကွန်းနှင့် ပေါင်းတည် လူအိုရုံရှေ့တွင် ကြေးသွန်းရုပ်တု လုပ်ရန် ဆုံးဖြတ်ခဲ့ ကြဖူးသည်။ (ပေါင်းတည်တွင် ယနေ့ခေတ်၌ ကြေးသွန်းရုပ် ရှိနေပါပြီ ) စင်စစ် လူအိုရုံတိုင်း ၌ ထားရှိသင့်ပေသည် ။
ဘိုးတော်ဦးဝိုင်း၏ ကောင်မှု့တော်ဖြစ်သော ဘုရားကြီး ခြေင်္သေ့ကြီးနှင့် ခေါင်းလောင်းကြီးတို့မှာ နှစ်ပေါင်းကြာညောင်းခဲ့ပေပြီ ။ သို့သော် ဘိုးဘွားလူအိုရုံဂေဟာကြီးကား သစ်မြဲသစ်လျှက် ရှိနေသည် ။မြန်မာထဲမှ ပထမဦးဆုံး လူမှု့ဝန်ထမ်းလုပ်ငန်းကို မျိုးစေ့ချပေးခဲ့သူ အာဇာနည် အမျိုးသမီးကြီး ဒေါ်ဦးဇွန်းအား ဗုဒ္ဓဘာသာဝင်တိုင်း က မှတ်တမ်းတင်ကြရပါမည် ။ ။
စောမုံညင်း
No comments:
Post a Comment