ပြိတ္တာ တို့ အကြောင်း

 

စာဖတ်သူတော်တော်များများ ပြိတ္တာတို့ နဲ့ ပတ်သတ်ပြီးဖတ်ရှု့ချင်ကြကြောင်း  မေးလ်ထဲကနေပြီး ပြောကြတော့ ဒီ ပိုစ့်လေးကို တင်ပေးတာပါ ။ ကျွန်မ ကိုယ်တိုင်လည်း ပြိတ္တာတွေနဲ့ ပတ်သတ်ရင် စ်ိတ်ဝင်စားပါတယ် ။ဟိုတုန်းက ဆိုရင်တကယ်မယုံခဲ့ပါဘူး ။တကယ်တော့ မြတ်စွာဘုရားဟောခဲ့ပြီးသားပါ ။၃၁ ဘုံမှာတကယ်ရှိတဲ့ အရာတွေပါ ။ အရင်နှစ် က တောရကျောင်းလေးမှာ တရားစခန်းဝင်တုန်းကသမာဓိကောင်းနေစဉ်မှာ ပြိတ္တာ တွေ နဲ့ ကြုံခဲ့ရပါတယ် ။ သူတို့ ဘ၀တွေဟာ အင်မတန်မှာ သနားဖို့ကောင်းလှပါတယ် ။ လူ့ဘ၀ပြန်ရဖို့လည်းမလွယ်သလို ကောင်းတဲ့ဘုံဘ၀ ပြန်ရဖို့ မလွယ်ကူလှပါဘူး ။တကယ်တော့ ပြိတ္တာတို့၊ အခြားမမြင်အပ်တဲ့ အစောင့်အရှောက်ဆိုတာ တွေဟာ ကျွန်မ တို့ လူတွေ ရဲ့ အနီးတ၀ိုက်မှာရှိကြတာပါ ။ အခုရက်ပိုင်းမအားလို့ နောက်မှ တရားစခန်းမှာတွေ့ကြုံခဲ့ရတဲ့ ပြိတ္တာတွေ နဲ့ ပတ်သတ်ပြီး ရေးပါဦးမယ်  ။ မနှင်း

ပြိတ္တာ ဟူသည် ငရဲ ၊တိရစ္ဆန် ၊ပြိတ္တာ ၊အသူရကယ် ဟူသော အပါယ် လေးဘုံတွင် ပါဝင်သော လူ့ပြည်လောကအတွင်းမှာပင် တောခြုံပိတ်ပေါင်း ၊တောင်စောင်း ၊သစ်ပင်ကိုမှီ၍ ဆင်းရဲထူပြောစွာ အငတ်ငတ် အပြတ်ပြတ် နေရသော သတ္တ၀ါဖြစ်သည်။ ပြိတ္တာဘုံသည် လူနှင့် အလွန်နီးစပ်ပါသည် ။

ပြိတ္တာဖြစ်ရခြင်းအကြောင်းအရင်း

လူ့ပြည် လူ့ရွာတွင် လူတို့သည် သစ္စာလေးပါးကို နားမလည် အ၀ိဇ္ဇာဖုံးပြီး

• သားစွဲ သမီးစွဲ ဇနီးမယား လင်စွဲ မြေးစွဲ တို့ဖြင့်သေကြသူများ
• သူတစ်ပါးကို ငြူစူခြင်း ၊၀န်တိုခြင်းများ
• မိမိတို့ကိုယ်တိုင်လည်း ပေးကမ်းခြင်း ၊ လှုဒါန်းခြင်း မရှိခြင်း
• ပေးကမ်းလှုဒါန်းသူများကိုလည်း တားမြစ်၏ ။
• သမာအာဇီဝ မဟုတ်သော နည်းဖြင့် စီးပွားရှာသူများ (အလေးခိုးသော ပြိတ္တာမ ၄ဦး ၊ ကိုယ့်ကျောသားကိုယ်ခွါစားသော တရားသူကြီး ပြိတ္တာများ ပေတ၀တ္ထုတွင် ပါရှိ၏ ။)

သားစွဲ၊သမီးစွဲဖြစ်ပြီး စိတ်မချလို့ သေ ၊ ပြိတ္တာဖြစ်ပြီး ပြိတ္တာ ဘ၀ဖြင့် စောင့်ရှောက်လို့ ရမယ်ထင်ပြီး အိမ်ထဲလာ ၊ သားသမီးတွေက ကြောက်လို့  ဘုန်းကြီးနဲ့ ပရိတ်ရွတ်ပြီး မောင်းထုတ်ခံရမှာ -

ပြိတ္တာတို့ဘ၀

ပြိတ္တာတို့သည် မိမိတို့ အကုသိုလ်ကံကြောင့် အမြဲမပြတ် အစာရေစာ ငတ်ပြတ်နေကြ၏ ။အနှစ်တစ်ရာ တစ်ထောင် တစ်သိန်းမက ဘုရားတစ်ဆူနှင့် တစ်ဆူကြား ကာလပတ်လုံး ထမင်းတစ်လုပ်မှ မစားရ ရေတပေါက်မသောက်ရ ကြီးမားသော ဒုက္ခခံရ၏ ၊ ခန္ဓာကိုယ်သည် အသွေးအသားမရှိ အရေမျှသာရှိ၏ ၊ မလှမပသော အဆင်းနှင့်ကြောက်မက်ဖွယ် စက်စုပ်ဖွယ် အဆင်းရှိ၏ ၊ သူတစ်ပါး စွန့်ပစ်ထားသော တံတွေး နှပ် အန်ဖတ်စားရသော ပြိတ္တာတွေ တပုံကြီး ။ ( ဥစ္စာစွဲ ၊သားစွဲ သမီးစွဲတွေ အထူးသတိပြုပါ )။

ပြိတ္တာ အမျိုးအစား များစွာရှိ၏

1. စန္တပြိတ္တာ               =  သူတပါးစွန့်ပစ်ထားသော တံတွေး ၊နှပ် ၊အန်ဖတ်စားရသော ပြိတ္တာ ။
2. ကုဏပါသပြိတ္တာ      =  မြေခွေး ၊လူသေ စသော အကောင်ပုတ်စားသာ ပြိတ္တာ  ။
3. ဂူထခါဒပြိတ္တာ         =  လူ့မစင် စားရသော ပြိတ္တာ ။
4. အဂ္ဂိဇာလမုခ ပြိတ္တာ  =  အစာမစားရဘဲ ပါးစပ်မှ မီးလျှံထွက်နေသော ပြိတ္တာ ။
5. သုစိမုခ ပြိတ္တာ         =  ခန္ဓာကိုယ်ကြီးပြီး ပါးစပ်က အပ်နဖားပေါက်မျှရှိကာ အစားအစာ များကို ပါးစပ်ကမသွင်းနိုင် သော ပြိတ္တာ ။
6. တဏှာဋိက ပြိတ္တာ    =   ရေမသောက်ရ သော ပြိတ္တာမျိုး ( ရေတွေ့သော်လည်း ရေမရှိတော့ဘဲ ရေ က သွေး ၊ ပြည် ၊ ကျင်ကြီး  ဖြစ်သွားသော ပြိတ္တာ ။
7. သုနိဇ္ဈမပ ပြိတ္တာ      =  မီးလောင်ထားသော သစ်ငုတ်နှင့်တူပြီး ကြုံလှီပိန်ကပ်ပြီး အရိုးပြိုင်းပြိုင်းဖြစ်နေသည် ။
8. သတ္တင်္ဂ ပြိတ္တာ         = လက်သည်း ခြေသည်းတွေ ဓားလှံ လိုထက်နေပြီး ကိုယ့်သွေး ကိုယ့် အသားကို ဖဲ့စားနေရသော ပြိတ္တာ ။
9. ပဗ္ဗတင်္ဂ ပြိတ္တာ         = ကိုယ်ခန္ဓာ တောင် လောက်ရှိပြီး မျက်နှာ ဇီးကွက် မျက်နှာလောက်ရှိပြီး ကိုယ်မှ အမြဲ အခိုးအလျှံထွက်ပြီး တကိုယ်လုံး မီးလောင်ကျွမ်းခံရသော ပြိတ္တာ ။
10. အဇဂရ ပြိတ္တာ         =  စပါးကြီးမြွေ နှင့်တူသော ခန္ဒာရှိပြီး ညဥ့်အခါ တပြောင်ပြောင် တော်လောင်နေသော ကိုယ်နင့်သွားလာနေပြီး နေ့အခါ ဆင်းရဲမျိုးစုံ ခံရသော ပြိတ္တာ ။
11. ဥပိုပါသိက ပြိတ္တာ     =  ထမင်း ငတ် ရေငတ် အမြဲခံနေရသော ပြိတ္တာ ။
12. နိဇ္ဈမတဏှိက ပြိတ္တာ =  ပါးစပ်မှ မီးလျှံတပြောင်ပြောင်ထွက်နေပြီး ရေငတ် ထမင်းငတ် အမြဲခံနေရသော ပြိတ္တာမျိုး ။
13. ပရဒတ္တုပ ပြိတ္တာ       =   မိမိအစွမ်းအစနှင့် ဘာမျှမစားရ လူ့ပြည် ဆွေမျိုးတွေက  ကုသိုလ်ပေး အမျှအတန်းပေးဝေမှ စားရသောက်ရ အသက်ရှင်ရသည် ။
14. ကာလကဥ္စိက ပြိတ္တာ  =  ကိုယ်ခန္ဓာ သုံးဂါဝုတ်ရှိပြီး အသားအသွေးနည်းပါးပြီး သစ်ရွက်ခြောက်လို အရိုးကျဲအပ်နဖားပေါက်မျှ ပါးစပ်ရှိ စားသောက်ရသောအခါ ဇောက်ထိုးမိုးမျှော်ပြုပြီးမှ စားသောက်ရသည်။
15. ဝေမာနိက ပြိတ္တာ     =  နေ့ခံညစံပြိတ္တာမျိုး ၊  ငရဲထိန်းအလုပ်လုပ်ရပြီး ငရဲခွေး ကိုက်ခံရသည် ။ဓါးလှံလှီးဖြတ်တာ ခံရသည် ။ ညအခါ နတ်ကဲ့သို့ စည်းစိမ်ခံစားရသည် ။
16. မဟိန္ခက ပြိတ္တာ       =    ဝေမာနိက ပြိတ္တာမျိူးပင်ဖြစ်သည် ။ငရဲပြည်မှာ ယမမင်း လုပ်ရသည် ။အဆင်းလှသည် ။ စည်းစိမ်ကြီးသည် ။ စားသောက်ချင်တိုင်းမစားရ ။ တခါတရံ စားသောက်ရသည် ။ တောင့်တမှု့အာသာဆန္ဒ ပြင်းစွာခံရ သော ပြိတ္တာပါ ။

ပြိတ္တာတို့ အနေအထား

ယခုခေတ်လူတို့သည်  အမည် အမျိုးမျိုး ဖြင့် ပြိတ္တာနွယ်ဝင် တို့ကို မှင်စာ ၊ အစိမ်း ၊ သရဲ ၊ သဘက် ၊ဖုတ် ၊ကျက် ၊ဥစ္စာစောင့် ၊ ရုက္ခစိုး ၊စုန်းဘီလူး စသည်ဖြင့် ခေါ်ဝေါ်ကြသည် ။ ပြိတ္တာ တို့သည်ပင် အဆင့်အတန်းအမျိုးမျိုးရှိသည် ။

• ဇရပ်အို ကျောင်းအိုတို့ ၌ နေရသော ပြိတ္တာများ
• သုသာန်သင်္ချိုင်းနေရသူ
• လူတိုက ပတ်ဝန်းကျင်တွင် သွားလာနေရသူ
• တော တောင် ချောက်ကမ်းပါး၌ နေရသူ
• သစ်ပင် ခြုံပုတ်များ၌ နေရသူ
• ဘုံဗိမာန်၌နေရသူ
• ဘုရားတရားသံ မကြားချင် မကြားဝံ့သူ
• ကြားနာချင်သော်လည်း ကြားနာခွင့်မရသူ
• တရားသံကြားလျှင်ထွက်ပြေးသူ
• ဘုရားသံ တရားသံကြားလျှင် သာဓုခေါ်ပြီးကျွတ်တန်းဝင်နိုင်သူ ။

ပြိတ္တာတို့သည် လူတို့နှင့်အနီးတ၀ိုက် ဆက်သပ်နေသဖြင့် စားကြွင်းစားကျန်များ မ၀တ၀ စားသောက်ရသည် ။ရွံရှာစက်ဆုပ်ဖွယ်ကောင်းသော အကောင်ပုပ်၊ သွေးပုပ် ၊ ပြည်ပုပ် ၊ သားအိမ်မှထွက်သောအချင်း ၊နှပ်၊သလိပ် ၊တံတွေး တို့ကို စားသောက်ကြရသည် ။

တစ္ဆေ

ဖုတ် ၊ပြိတ္တာ တို့သည် လူတို့ကို ခြောက်လှန့်တက်သောကြောင့် တစ္ဆေဟုခေါ်သည် ၊ တစ္ဆေခြောက်သည် ဆိုရာတွင် ကိုယ်ထင်ပြခြင်း ၊ညည်းညူခြင်း ၊အနံ့ပေးခြင်း ၊၀င်ပူးခြင်း ၊ခြောက်လှန့်ခြင်းများကို လုပ်တက်ကြသည် ။၎င်းတို့သည် ကံနိမ့်သူများကို ခြောက်တက်သည် ။ တစ်ခါတရံ နောက်ပြောင်ကျီစားလိုခြင်း ၊ချစ်ခင်ခြင်း ၊စားသောက်လိုခြင်း ၊ဥစ္စာပေးလိုခြင်း ၊မှာကြားလိုခြင်း ၊အမျှအတန်းပေးဝေမှု့ကိုခံလိုခြင်း ၊နှုတ်ဆက်လိုခြင်း၊သားမယားကိုစွဲလမ်းခင်မင်၍ ခြောက်ခြင်းများပြုလုပ်တက်ပါသည် ။ ( သား ၊မယား၊လင် ၊ဇနီး ၊ တို့ကို စွဲလမးသောသူများ တစ္ဆေအဖြစ်များပြီး ခြောက်တက်ကြပါသည် ။ သားသမီး ဇနီးက ဘုန်းကြီးပင့်၍ မောင်းထုတ်ပါသည် ။ )

တစ္ဆေခြောက်သည်

တစ္ဆေခြောက်သည်ဆိုရာမှာ တကယ်တော့ လူတွေကို ကြောက်အောင်လုပ်၍ မိမိကိုယ်ကို အရုပ်ဆိုး အကျည်းတန်ဖန်ဆင်းခြင်းမဟုတ် ၊လူတွေ တွေ့သလို ခေါင်းက ပုတ်လောက်ကြီး ၊မျက်လုံးကြီးက လင်းကွင်းလောက်၊ ကိုယ်ခန္ဓာက ထန်းပင်လောက်ကြီး ၊လျှာကြီး တစ်တောင်လောက်ထွက်နေသည် ။အမွှေးက စုတ်ဖွားကြီး စသည်ဖြင့် ပြောကြသည် ။တကယ်အမှန်တော့ ဖန်ဆင်းခြင်းမဟုတ် ၊သူတို့ အကုသိုလ်ကြောင့် ဖြစ်နေ ခံစားနေရသော မူရင်းကိုယ်ခန္ဓာသာ ဖြစ်သည် ။ အနံ့ပေးခြင်းမှာလည်း သူပြုခဲ့ သော မကောင်းမှု့ အကုသိုလ်ကြောင့်ဖြစ်ပေါ်နေသော အနံ့သာဖြစ်ပြီး  ၊ တခါတရံ မွှေးကြိုင်သောအနံ့ပေးလျှင် ကုသိုလ်အဖို့ ဘာအမျှရ၍ ချမ်းသာသော ဘ၀သို့ ရောက်ရှိကြသူတို့ က ကျေးဇူးတင်ကြော်းလာရောက်ပြသသည့် သဘောဖြစ်ပါသည် ။

ဥစ္စာစောင့် ( ရိက္ခိုသ် ၊ကုမ္ဘဏ် )

ဥစ္စာစောင့်ကို ( အဘိဓမ္မာသံခိပ်၌ ) ကြီးသော ၀မ်းဗိုက်ရှိကြကုန်သော ကျယ်သော၊ပြူးသော၊နီသော မျက်စိရှိကြကုန်သော ရက္ခိုသ် တို့ကို ကုမ္ဘဏ် ဟု ခေါ်ဆို၏ ။ ထို ကုမ္ဘဏ် တို့ကို ယခု လောက၌ ဥစ္စာစောင့်ဟုခေါ်သည်။ ဥစ္စာစောင့်သည် မြေဖုတ်ဘီလူးအနွယ်ဝင်များဖြစ်ကြသည် ။ ကုဝေရ နတ်မင်းကြီးလက်အောက်အတော်အတန် ဘုန်းတန်ခိုးကြီးကြသည် ။  ဘုမ္မစိုး နတ်ဘီလူးတို့၏ အအုပ်အချုပ်ခံ ဘုန်းတန်ခိုးနည်ေးသာ ပြိတ္တာ မျုိုးနွယ်ဖြစ်သည် ၊မူလ ရုပ်ဆင်းဆိုးဝါးသူများ ဖြစ်ကြသည် ။ သို့သော် မိမိကိုယ်ကို လှအောင် ဖန်ဆင်းနိုင်ကြပြီး သိုက်နန်းအတွင်း ၌ ပျော်ပျော်ရွှင်ရွှင် နေကြကြောင်း ၊ သူတို့ဘ၀ကိုစွဲလမ်းသာယာနေကြသည် ။ လူတို့က ဖိတ်လျှင် တရားနာနိုင်သည် သာဓုခေါ်နိုင်သည် ၊အိပ်မက်ပေးနိုင်သည် ။

ဘုရားတည်သူများသည် ဥစ္စာစောင့်များနှင့် ၀င်ပူး၍ စကားပြောခြင်းသော်လည်းကောင်း ၊အမျိုးသမီးငယ်ပုံစံ ဖန်ဆင်း၍ အတူတကွ ယှဉ်စကားပြောနိုင်ပါသည် ။ အိပ်မက်လည်းပေးနိုင်ပါသည် ။ အလှုပစ္စည်းများလည်း ပေးနိုင်သည် ။သက်ဆိုင်သောသူသာသိပေမယ့် အခြားသူများက ဥစ္စာစောင့် ဟု မပြောနိုင်ပါ ။

အိပ်မက်ပေး၍လည်း ဘုရားကို ပြုပြင်ခိုင်းပြီး လိုအပ်သည်များကို တောင်းဆိုခြင်းများလည်း ပြုလုပ်ခိုင်းနိုင်ပါသည် ။ သူတို့ရှိနေသော ဘုရားကြီးများထင်ရှားလာအောင် ထိုင်လျှက် ကျောက်ဆင်းတု ပေ ၂၀လောက်ကိုလည်း ယိမ်းယိုင်ပြတက်သည် ။( ပေါင်းတည်ကျီကျီးကုန်း ဘုရားကြီး) ၊အခြားထူးခြားမှု့ပြုလပ်ခြင်းများလည်း ပြုလုပ်နိုင်ကာ လူတွေ သဒ္ဓါပေါက်လာပြီး လှုတန်းကာ ဘုရားကြီး ထင်ပေါ်ကျော်ကြားလာအောင်လည်း လုပ်တက်သည် ။

ဘုရားပျက်များရှိလျှင်လည်း ပြန်တည်ရန် သက်ဆိုင်သူများသို့ အကြောင်းအမျိုးမျိုးဖြင့်လှုံ့ဆော်တက်ပါသည် ။ လူတို့အားလည်း ရွှေငွေအစအခြားဝတ္ထုများပေးကမ်းနိုင်သည် ။ကျေူဇူးလည်း သိတက်ပါသည် ။ ၎င်းတို့ဘ၀ကို စွဲလမ်းပြီးပျော်နေတက်သည် ။ တော်တော်တန်တန် ကုသိုလ်ပြု၍ အမျှဝေသော်လည်း  ကျွတ်လွတ်သူနည်းပါးကြသည် ။ ဘုရားစေတီများတွင် နှစ်ပေါင်းထောင်နှင့်ချီ၍ နေကြရသူများလည်းရှိပါသည် ။အခြားနေရာများမျ ထိုဘုရားသို့ ပြောင်းရွှေ့လာကြသူများလည်း ရှိပါသည် ။ အချို့နေရာများတွင် သိုက်ချုပ်နှင့် လည်း အတူတူ ရှိတက်ကြပါသည် ။

ပင်ကိုယ် အရုပ်ဆိုးသော်လည်း သူတို့မှာ လှလှပပလေးများ ဖန်ဆင်းထားသဖြင့် အိပ်မက်အရသော်၎င်း ၊ အပြင်မှာတွေ့ရရင်သော်၎င်း ၊အမျိုးသမီး လှလှ လေးများကိုသာ တွေ့ရသဖြင့် ဘုရားများတွင် ရွှေတိဂုံ ၊ဗိုလ်တစ်ထောင် ဘုရားအပါအ၀င်တွင် သိုက်စောင့်ဆိုပြီး အမျိုးသမီးလှလှလေးများ ထုလုပ်ပြီး နတ်နန်းဟုခေါ်သည့် အဆောက်အဦးလေးများတွင် ထားပြီး ပူဇော်နေကြသည် ၊ အမျှအတန်းပေးဝေကြပါ ။ မိမိ က ထိုင်ရှိခိုးနေလျှင် မိမိ် အဆင့် ဘယ်လောက်မှာရှိသည်ကို စဉ်းစားပါ ။ တကယ်တော့ ဥစ္စာစောင့် ကို မူရင်းပုံအတိုင်း ဘာကြောင့် မထုလုပ်သည်မှာ အံ့ဩစရာပင် ။

နာမည်ပေးသော်လည်း ယခုခေတ်သုံး နာမည်များတွေ့ရသည် ။ မြစိမ်း ၊စောနန်းနွယ် ၊နနန်းကလျာ ၊ မြတ်နန်းနွယ် ၊နန်းနွယ် အစရှိသဖြင့် တွေ့ရသည် ။၎င်းတို့မှာ  နှစ်ပေါင်းထောင်ကျော်က ပုဂ္ဂိုလ်များဖြစ်သော်လည်း အဲဒီခေတ်က နာမည်မျိုး တွေ့ရတာလည်း အံ့ဩစရာပင် ။

သိုက်နန်းရှင်ကလေးတွေနဲ့ ဘယ်ဘ၀တုန်းက ဇနီးမယားတော်ခဲ့တယ်ဆိုရင် ကျေနပ်နေကြတာ ။ ဘုရားပေါ်က ရုပ်ထုလှလှ လေးတွေကို ကျေနပ်နေတာပါ ။ မူရင်းပုံ ပြလိုက်ရင် လင်တော်မောင် အမယ်လေးတပြီး အော်ပြေးမှာ သေချာသည် ။ သနားပါ ။ မေတ္တာပို့ပါ  ။ အမျှအတန်းပေးဝေကြပါ ။

ဂန္ဓဗ္ဗနတ်=ဇော်ဂနီ = စုန်း

မွှေးကြိုင်သော နံသာပင်တို့၌ တွယ်ကပ်၍နေသော နတ်ကို ဂန္ဓဗ္ဗနတ်ဟုခေါ်သည် ။သစ်ပင်အတွင်း ၊သစ်ခေါင်းအတွင်းနေသော သစ်ဘီလူးခေါ် ဂန္ဓဗ္ဗနတ်တို့ကမူ သစ်တုံးဆွေးမြေ့ပျက်စီးသည်အထိနေကြသည် ။ အိမ်ဆောက်တဲ့ အခါ သစ်ခြောက်ပါသည်ဆိုသည်မှာ ဤနတ်မျိုး ကပ်ပါလာခြင်းကို ဆိုလိုသည် ။ဗေဒင်ဆေးကျမ်းများ ၊မှော်ကျမ်းများတွင် ဇောဂနီနတ်ဟူ၍လည်းခေါ်သည် ။ ညအခါ မိမိတို့တန်ခိုးဖြင့်တောက်ပသည့် အလင်းထွက်လေ့ရှိသဖြင့် ပါဠိလို ဇုဏှမှဇုဏ်း =စုန်းဟုခေါ်လာသည် ။ဂန္ဓဗ္ဗတည်ရာ မိန်းမကို စုန်းမ ဟုခေါ်သည်။ ထို စုန်းမသည် မိမိကိုယ်တွင်းကိန်းအောင်းနေသာဂန္ဓဗ္ဗနတ်၏အစွမ်းဖြင့် အခြားသူကိုနှိပ်စက်ဖမ်းစားခြင်းအမှု့ပြု၏ ။ပဋိသန္ဓေ တည်သည်မှစ၍ ထိုဂန္ဓဗ္ဗနတ်ထပ်ကြပ်ပါလာသော မိန်းမကို ၀မ်းတွင်းစုန်းဟုခေါ်သည် ။ဗူးရှိသည်၊ဗူးသွင်းသည်ဟုပြော၏ ။ ထိုဂန္ဓဗ္ဗနတ်မျိုးမှာ အမျိုးအစား (၁၀) မျိုးရှိကြောင်း မဇ္ဈပဏ္ဏသ အဋ္ဌကထာ၌ ဟောထားသည် ။

အသူရာနတ် (ဝေမာနိက ပြိတ္တာ )

တစ်ခါတစ်ရံ နတ်ကဲ့သို့ စည်းစိမ်ခံစားရ၍ တစ်ခါတစ်ရံဆင်းရဲခံစားရသော ဝေမာနိက ပြိတ္တာ အသူရကယ်နတ်ငယ်များဖြစ်ကြသည် ။ မိမိတို့ တန်ခိုးက္ကဒ္ဓိပါတ်မရှိသဖြင့် ဘုံဗိမ္မာန် သီးသန့်မရှိ၊တော ၊ခြုံ ၊ သုသာန်ဇရပ် ၊ အိမ် ၊ကျောင်းဂူတို့ ၌ ကပ်နေရသည် ။လူတို့ စွန့်ပစ်ထားသော အစာကို စားရသည် လည်းရှိသည် ။မရလျှင် ရတနာသုံးပါး မမြဲသောလူများကို ၀င်ရောက်ပူးကပ် ခြောက်လှန့်၍စားသည် ။ ရတနာသုံးပါး မြဲသူများကို ကြောက်ကြ၏။ ။

ဘုရားတည်ခြင်းနှင့် သိုက်စောင့်တို့၏ အခန်းကဏ္ဍ

ဘုရားတည်လိုသူများ ဗဟုသုတရှိစေရန်နှင့် ဥစ္စာစောင့်တို့အကြောင်းရေးရင်း သိသင့်တာလေးတွေ ဖော်ပြတာပါ ။ အစအဆုံး ဖြစ်ရပ်မှန်ကို ရေးသားဖော်ပြတာပါ ။ဝတ္ထုလိုဖတ်ကောင်းအောင် ရေးပြခြင်းမဟုတ်ပါ ။ဘုရားအားလုံးလိုလို သူတို့နဲ့ မကင်းပါဘူး ။ ကူညီပေးတာတွေ ၊ဒုက္ခပေးတာတွေ ၊မကျေနပ်ရင် သတ်ပြစ်တာအထိရှိတက်ပါတယ် ။ အကောင်းအဆိုးက တော့ သူတို့နဲ့ သက်ဆိုင်မှု့အပေါ်မူတည်ပါတယ် ။ ကျွန်တော်သည် ဘုရားတည်ရန် စိတ်တောင်မကူးဘူးပါ ။ သူများတည်ကြတာတောင်မနေနိုင် မထိုင်နိုင် အပြစ်ပြောသေးတယ် ။ဘုရားတစ်ဆူရှိပြီးရောပေါ့ ။ ဒီမှာငွေကုန် ကုသိုလ်ရတာထက် မိဘမဲ့ကျောင်း ဆေးရုံတို့ လှုလိုက်ရင် ဘယ်လောက်ကောင်းမလဲပေါ့ ။ မိမိနားမလည် မသိတဲ့ ကိစ္စ ကို အပေါ်ယံ ကြည့်ပြီး ပြောမိတာပါ ။ ဒီလိုနဲ့ နောက်သုံးလလောက်ကြာတော့ ဘုရားစတည်တော့တာပါ ။ဘယ်သူမှ ဓာတ်မစီးပါ ။အိပ်မက်လည်းမပေးပါ ။ စိတ်တွင် အလိုလို ဖြစ် လာလို့ဖြစ်တာပါပဲ။ ဆရာတင်ရမယ့် ဘိုးတော်လည်းမရှိပါ ။သူများခိုင်းတာကိုလဲ လုပ်ချင်သူမဟုတ်ပါ ။

ပဋိစ္စသမုပ္ပါဒ် သဘောအရ အကြောင်းမရှိဘဲ အကျိုးဆိုတာ မဖြစ်နိုင်ဘူးဆိုတာလဲ သဘောပေါက်မထားတော့ အကြောင်းတရားတွေရှိလို့ လုပ်တယ် မထင်မိဘူး ။ကုသိုလ်ရမယ်ထင်လို့ လုပ်ကြတာပဲလို့ထင်မိပါတယ် ။

၁၉၉၂ ခုနှစ်လောက်က အမှတ် (၃) နဲ့ အမှတ် (၄)  ဘုရားများတည်တာကို ရေးပြပါမယ် ။ တစ်နေ့တော့ ကျွန်တော်တစ်ယောက်တည်း ကားမောင်းသွားပါတယ် ။တောင်ငူရဲ့မြောက်ဘက် ၂ မိုင်အကွာ ရန်ကုန် မန္တလေးလမ်းဘေးက ကံရိုးရွာကိုရောက်ပါတယ်။ ( ကွန်ပျူတာတက္ကသိုလ် ရှိပါတယ်) လမ်းဘေးထိုးရပ်ပြီး လမ်းဘေးမှာနေတဲ့ မိတ်ဆွေ ဦးကျော်ဖြိုး (ကွယ်လွန်) ကိုခေါ်ပြီး လာဗျာ ဟိုဘက်ဒီဘက်လျှောက်ကြည့်ရအောင်ဆိုပြီး ရွာကိုဖြတ်ပြီး လျှောက်သွားတာပဲ ။ တစ်နေရာရထားလမ်းဘေးမှာ ညောင်ပင်ကြီး တစ်ပင်အောက်မှာ ဘုရားတည်လက်စ ( ၂ပေ ) လောက်အမြင့် ဖောင်ဒေးရှင်းချပြီး ) နဲ့ အုတ်ခဲ ၁၀၀၀လောက်တွေ့ရပါတယ် ။

မေးကြည့်တော့ လွန်ခဲ့တဲ့ ငါးနှစ်လောက်က ဘုရားတည်ဖို့ ကြိုးစားတာ လူနှစ်ယောက်သေသွားလို့ တန်းလန်းဖြစ်နေတယ် ။ အုတ်ခဲတွေကလဲ ဘယ်သူမှ မကိုင်ရဲဘူးတဲ့ ။ညောင်ပင်ကလဲ နွားတောင်မချည်ရဲဘူး ။နောက်ပြီးညဘက်ဆိုလဲ မလာရဲဘူး ။ ညောင်ပင်က အရိပ်လယ်နဲ့ မလွတ်လို့တဲ့ ။ သားမက်ကို ခုတ်ခိုင်းတာ သားမက်ကလည်းကြောက် ၊ သရဲလဲ ကြောက် ၊ယေက္ခမလဲကြောက် ဘာလုပ်ရမှန်းမသိဖြစ်နေတယ် ။ နောက်တော့ သစ်ပင်ကိုတောင်းပန်ပြီး ခုတ်ချင်လို့ ခုတ်တာမဟုတ်ပါ ။ယောက္ခမခုတ်ခိုင်းလို့ပါ  ။   လုပ်စရာရှိရင် ခုတ်ခိုင်းတဲ့သူကို လုပ်ပါဆိုတော့ ရက်ပိုင်းမှာဘဲ ခုတ်ခိုင်းသူသေသွားတယ် ။

ကျွန်တော်နဲ့လိုက်လာသူလဲ ဒီနားကို လူတွေသိပ်မလာရဲဘူး ။ရွာနဲ့ကပ်နေတာတောင် ကလေးတွေလာမဆော့ရဲဘူး ။ကြမ်းတယ်ပေါ့ ။ ကျွန်တော်ကလည်း ကိုယ်ကဒါတွေမြင်ရတာ မဟုတ်တော့ သိပ်လည်းမကြောက်ဘူး ။ဒီဘုရားဆက်တည်မယ် ။ မနက်ဖန်ကစပြီး ပစ္စည်းတွေပို့မယ်လို့ပြောပြီး မေတ္တာပို့ အမျှဝေပြီး ပြန်သွားတယ်

ဘုရားတည်တဲ့ အပေါင်းအသင်းတွေနဲ့ နောက်ရောက်လာပြီး နေထိုင် ၊ညအိပ်ဖို့ တဲ တစ်လုံးထိုးတယ် ။သစ်ပင်ပေါ်က ပုဂ္ဂိုလ် ကိုလည်း ၀င်ပူးခိုင်းတယ် ။ဝင်ပူးပြီး ငါတို့ ဘုရားတည်မယ် ။မင်းအနှောင့်အယှက် ပေးမှာလား ကူညီမှာလားဆိုတော့ကူညီပါ့မယ်။ မနှောင့်ယှက်ပါဘူးလို့ ကတိပေးပါတယ် ။ မင်းက လောလောဆည် အခြား ပြောင်းနေပေးပါဆိုတော့ မဖြစ်နိုင်ပါဘူး ။ သူကလွန်ခဲ့တဲ့ အနှစ် ၁၀၀ကျော်ကတည်းက နေတာတဲ့။ အေးလေ သူက အိမ်ရှင်ဘဲ ဒီလိုဆိုတော့  တို့ က အောက်က မင်းက အပေါ်ကဖြစ်နေတာကော ဆိုတော့ သူ အောက်ဆင်းနေပါမယ်လို့ပြောတယ် ။

နောက်တစ်ခု ငါတောင်းဆိုချင်တာရှိတယ် ။ ဘုရားပေါ်မှာ မိုးနေတဲ့ ညောင်ကိုင်းတွေ ခုတ်ချင်တယ်ဆိုတော့ ခုတ်ခွင့်ပေးပါတယ် ။ဒါပေမယ့် ဘယ်သူမှ ခုတ်ရဲမှ မဟုတ်ဘူး ။သူအဆင်ပြေသလို လုပ်ဆောင်ပေးပါမယ် ပြောတာ ။နောက်နေ့ကျတော့ သစ်ကိုင်းတွေကျိုးကျတယ် ။ရှင်းပြီးသားဖြစ်သွားတာပေါ့ ။သူ့ကို ကျေးဇူးတင်ရတယ် ။ညတိုင်းလဲ အမျှအတန်းပေးဝေတော့ ဘာဒုက္ခမှ မပေးပါဘူး ။

တိုတိုပြောရရင်တော့ ဘုရားပြီးသွားပြီး အနေကဇာတင်ပါတယ် ။ဘုရားရင်ပြင်မှာပဲ ။ ကျွန်တော်တို့က ရှေ့ကပေါ့ ။ ပရိတ်သတ်က နောက်ကနေပြီး တရားနာပါတယ် ။ အနေကဇာတင်နေတာကို အာရုံပြုနေတာပေါ့ ။ကျွန်တော်နဲ့ဇနီး အလယ်က ရေစက်ခွက်ကိုဖြတ်ပြီး မြွေတစ်ကောင်ဝင်လာပြီး ဘုန်းကြီးတွေကိုသွားထိတယ် ။ နောက်ပြီး ရေစက်ခွက်ကနေပြီး ပရိတ်သတ်ထဲဝင်ပြီး ပျောက်သွားတယ် ။ ဗီဒီယို မှတ်တမ်းရိုက်ထားလိုက်မိပါတယ် ။ သိုက်စောင့်တွေက ဘုရားကို အရင်ဆုံးဖူးချင်လို့လာတာပါ ဆိုပြီး ၀င်ပူးပြောပါတယ် ။ အဲဒီ အမှတ် (၃) ဘုရားတည်ပြီးတော့ ကိုက် ၁၀၀လောက်အကွာမှာ အမှတ် (၄) ဘုရားဆက်တည် ဖို့ဆက်လုပ်ပါတယ် ။

အမှတ်စဉ် ( ၃) တည်နေစဉ်ပဲ ကိုက် ၁၀၀လောက်မှာ သစ်ပင်ခြုံနွယ်တွေနဲ့ အုပ်ဆိုင်းနေတဲ့ ၁၀၀၀ ပေ ပတ်လည် ခြုံကြီးရှိပါတယ် ။ စိတ်ဝင်စားတာနဲ့ အဲဒီတောကြီးထဲကို  လေးဘက်ထောက်ဝင်သွားကြည့်ရတယ် ။ အထဲမှာ ဘုရားပျက်တွေ့ပါတယ် ။ ဘုရားကတော်တော်ကြီးတာပဲ။ အားလုံးပြိုကျပြီး  လူတစ်ရပ်လောက်မြင့်တဲ့ တောင်ကမူလို ဖြစ်နေတယ် ။

ဒါနဲ့ ဘုရားဆက်တည်မယ်ဆိုပြီး ရွာက လူတွေညှိတော့ သူတို့မလုပ်ရဲဘူး။ လွန်ခဲ့တဲ့ ငါးနှစ်လောက်က ရွာသားတစ်ယောက် ဒီနားက ဖြတ်သွားတာ မုန့်ဆီကြော် ကြော် နေတဲ့ မိန်းကလေးတွေ့လို့ မုန့်ဆီကြော် ၀င်စားပြီး ရွာပြန်တာ နောက်နေ့ကျတော့ သေပြန်ရော ။ဒါကြောင့် ရွာက ၀င်မပါရဲဘူး။ ကျွန်တော်က မပါလဲရတယ်။ ခြုံရှင်းပေးဖို့ လူ၁၀ယောက်တောင်းတယ် ။ အခကြေးငွေနဲ့ပေါ့ ။ သူတို့က ညောငါပင် ခုတ်တုန်းက အဖြစ်အပျက်ကို သိနေတော့ ကျွန်တော်က သူတို့တန်းစီထားပြီး ငါခုတ်ခိုင်းတာ လုပ်စရာရှိ ငါ့ကို လုပ် သူတို့ နဲ့ ဘာမှ မဆိုင်ဘူး  ဆိုပြီးပြောရတယ် ။ ကြောက်စိတ်ကတော့ လုံဝမရှိပါ ။ သတ်ရင်လည်းမတက်နိုင်ဘူးပေါ့ ။ ဘာတန်ခိုးမှ မရှိတော့ ကံတရားပေါ့ ။ ဒါနဲ့ လူ၁၀ယောက်ရှင်းကာ ၁၀ရက်ကြာတယ် ။ ( နံပတ် ၃ ဘုရားကလဲ မပြီးသေးတဲ့ အခြေအနေပါ )

အားလုံးရှင်း ၊သန့်ရှင်းရေးလုပ် ၊ မီးသွယ်ထားပြီး တပည့် ကိုဇော်မင်းက (ယခုလဲ ဘုရားတွေကိုလိုက်တည်နေသူ ) သိုက်ပွဲ ဆိုပြီး အပေါ်မှာ အုန်းပွဲထားတယ် ။ တရက်တော့ အုန်းပွဲအခိုးခံရတယ် ။ မနက်ကျတော့ ည က အုန်းပွဲ လာခိုးတဲ့ ကောင် ဘုရားဘေးမျာ မြွေကိုက်ခံရလို့သေပြန်ရော ။ ရွာက လူတွေ လဲ မလာကြတော့ဘူး ။ အဖြစ်အပျက်တွေကလည်း စုံပါတယ် ။ ကျွန်တော်တို့ မသိသေးတာ ဘာတွေရှိသေးသလဲ မသိပါဘူး ။

အဲဒီ ဘုရားကြီး တည်နေတဲ့ ကာလမှာ ဘုရားတည်သူတွေ ညအိပ်ကြပါတယ် ( ဦးချစ် ၊ဦးဇော်မင်း ၊ဦးတင်ထွန်း ၊ဆရာကြီး ဦးမြမောင် ….) တို့ ညနေ ထမင်းစားတိုင်ပန်းစည်းတထုပ် အမြဲတမ်းအပေါ်က ချပေးပါတယ် ။ လယ်ကွင်းကြီးထဲမှာဆိုတော့ လူလဲ မတွေ့ရဘူး ။ နေ့စဉ်ပဲ။ တစ်ခါတစ်ရံ တစ်ခြား ပန်းလေးဘာလေးလဲ ပူဇော် အုန်းမှပေါ့ ဆိုတော့ တစ်ခြာ ပန်းပေးပါတယ် ။ အဲဒါတွေ အားလု့း ဘုရားပူဇော်ကပ်ပေးရပါတယ် ။ သူတို့ကို လဲ မေတ္တာပို့ အမျှအတန်းပေးဝေပေးရပါတယ် ။

နောက်ထူးဆန်းတာ တစ်ခု ရေးပြပါ့မယ်

အဲဒီလိုနဲ့ ဘုရားကြီလည်းတည်ပြီးရော ထီးမတင်ခင်မှာပဲ မြတ်စောညီနောင် ဆရာတော်ကြီးက ( ရန်ကုန်ဆရာတော် ) ပင့်ပြီး ကြည့်ပေးဖို့ လျှောက်ပါတယ်။ ဆရာတော် ဘုရားကြီးက ဒီ သိုက်ကိစ္စ တွေ ကျွမ်းကျင်ပါတယ် ။ ယခုတော့ နံပါတ် (၉) စာအုပ်ရေးနေစဉ် ၂.၁. ၂၀၁၀ နေ့က ဘ၀နတ်ထံ ပျံလွန်တော်မူပါတယ် ။

ဆရာတော်ကြီးကို ဆွမ်းကပ်ရန် အစီအစဉ်ရှိသဖြင့် ဘုရားတည်တဲ့ အဖွဲ့မှာပါတဲ့ ကိုတင်ထွန်း (၁၁လမ်း) က ဆွမ်းချက်ကပ်ဖို့ တာဝန်ယူပါတယ် ။ လူနှစ်ဆယ်လောက်အတွက်  ဆိုတော့ ဆွမ်းတစ်အိုးဟင်းက ငါးဆင့်ချိုင့် တစ်လုံးချက်လာပါတယ် ။ ဆရာတော်ကြီးကို ဆွမ်းကပ်ပါတယ် ။ ဆရာတော်ကြီးက သိုက်စောင့်တွေက မင်းတို့လုပ်ဆောင်ပေးတာကို သိပ်ဝမ်းသာနေကြတယ် ။ ကူညီလဲ ကူညီကြတာပေါ့။ (ကျွန်တော်တို့ကတော့ မေတ္တာပို့ အမျှအတန်းဝေတာနဲ့ ၀င်ပူးပြီး ညှိနှိုင်းတာလောက်ပဲ လုပ်နိုင်ကြပါတယ် ။ အားလုံးအဆင်ပြေပါတယ်။)

ဆရာတော်ကြီးက ကု ရွာကလာတဲ့ လူတွေ ထမင်းကျွေးလိုက်ဦးဆိုတော့ ( ရွာက လူ ၄၀ လောက်ရှိမယ် ထင်ပါတယ် ) ဟာ ဒုက္ခပါပဲ ။ ဘယ်သူ့အတွက်မှ အစီအစဉ် လုပ်မထားဘူး ။ဒါနဲ့ လူကြီးလောက်တော့ ကျွေးမယ်လို့စီစဉ်၊ထည့်ကျွေးတာ နောက်ဆုံးအားလုံးဝင်စားတော့တာပဲ ။ ဒီ အိုးထဲက ထမင်းပဲ ခူးကျွေးနေတာပဲ ။ရွာသားတွေ စားပြီး ကျန်သေးတော့ ဘုရားမှာ လုပ်တဲ့လူတွေစား ။ ညနေဘက်အထိ ဆက် စားရတယ် ။ လူတစ်ရာလောက်ထိ ကျွေးရတာ  တစ်သက် တစ်ခါမှ အံ့သြရတဲ့အဖြစ် မတွေ့ဘူးပါဘူး ။

အမှတ်စဉ် ( ၄) ပြီးတော့ အမှတ်စဉ် (၅) ရေတာရှည် ဘိုးတော်ကုန်းရွာကို တည်ဖို့ ဆက်လက်ချီတက်ပါတယ်။အမှတ်စဉ် (၄) ဘုရားတည်နေစဉ်က နေ့စဉ် ကြီးကြပ်ပေးတဲ့ ဆရာကြီးက ကျန်းမာရေးမကောင်းလို့ ဆေးရုံတက် ကွယ်လွန်သွားပါတယ် ။ ဆေးရုံတက်တော့ ရေမတိုက်ရပါဘူး ။ သူက ရေသောက်ချင်တယ်။ ကျွန်တော်တို့က မတိုက်ရဲ။ ကျွန်တော်တို့အပေါ် မကျေမနပ်ပေါ့ ။ဒါနဲ့ပဲကွယ်လွန်သွားတယ် ။

ကွယ်လွန်တော့ အမှတ် (၄) ဘုရားမှ ၀င်ပူးပြီး ပြောတယ် ။ သူပြိတ္တာဖြစ်နေကြောင်း အ၀တ်အစားမရှိ နေစရာမရှိကြောင်း ( သေခါနီး  အာသန္နကံ မကောင်းခဲ့လို့ ) သူ့အတွက် ပိတ်ဖြူတစ်စ ဆရာတော် တစ်ပါးကို လှုပေးဖို့ ပြောပါတယ် ။ သူဟာ ရေငတ်ပြီး သေရတော့ သူ့ကို ဆရာကြီး ရေသောက် မလားဆိုတော့ သောက်မယ်ဆိုပြီး ၀င်ပူးနေတဲ့ အမျိုးသမီးကို မတ်ခွက် နဲ့ ၉ခွက်တိုက်ရတယ် ။ ဒါနဲ့ ပိတ်ဖြူလှုပေးပြီး အမျှအတန်းပေးဝေတော့ အ၀တ်အစား ၀တ်ရပြီ ။ အမှတ်စဉ် (၄ ) ဘုရားမှာဘဲ နေကြောင်းပြောပါတယ်။ အထက်က ခိုင်းတာ များလွန်းလို့ ဘုရားတောင် မရှိခိုးရဘူးတဲ့ ။ယခင်က အမြဲတမ်းပြောတဲ့ စကားတစ်လုံး သေရင် အေးတာပဲ ဆိုတော့ တကယ်တော့ မအေးပါဘူးတဲ့ ။

ဒီလောက်ဆိုရင်လည်း ဘုရားတည်ချင်တဲ့ သူတွေ ဗဟုသုတ တွေ ရလောက်ပါပြီ ။ကျွန်တော် ဘုရားတည်တိုင်းလည်း ဆရာတော်များကို ပင့်ပြီး သီလယူအနေကဇောတင်တာကိုဘဲ တာဝန်ရှိစေပါတယ် ။ ထီးတော်တင်ကိစ္စများမှာ မပတ်သတ် စေပါဘူး ။ ဆရာတော်များဟာ ရွှေငွေ ကိုင်ခွင့်မရှိပါဘူး ။

ဘုရားဆင်းတုတော်ကို ပင် ကိုယ်တိုင် မပြုလုပ်အပ်ပေ ။(၀ိမတိ ဒု၊၁၈၃ ၌ ) မိန့်ဆိုထားပါသည် ။ရဟန်းများ ဘုရားတည်ကာ မိစ္ဆာဇီဝဟူ၍ ( သမ္မောဟ၀ိနောဒနီ ၊ဇမ္ဗူ ထ-၂၉၃) ၌ မိန့်ဆိုထားပါတယ် ။ ဆရာတော် ဦးဗုဓ်က င့ါကျောင်းက ဦးပဉ္စင်းတွေ ရွာထဲ သင်္ကန်းရုံမသွားတာ မင်းတို့ သာသနာပိုင် ဘုရားတည်တာလောက် အပြစ်မကြီးကြောင်း မိန့်ဆိုသွားပါတယ် ။ ရဟန်းတော်များအနေနှင့် ဘုရားပုံတော် ၊ ဆင်းတုတော်၊စေတီတော်ကို ပင် မရေးအပ်၊ မထုအပ် ၊မတည်အပ် ဟု မှတ်ယူရပါမည်။ ရေးသော် ၊ထုသော်  တည်သော် ဒုက္ကဋ်အာပတ်သင့်ရောက်သည် ။ ရဟန်းများ ဘုရားတည်လျှင် အဲဒီဘုရားကို ၀ိနည်းမိုရ်ဆရာတော်ကြီးများ လုံးဝမရှိခိုးပါ ။ မိမိတို့ကို အပ်ထားသော ငွေဖြင့်လည်းကိုယ်တိုင် ကျောင်းဆောက်လည်း အာပတ်သင့်ရောက်သည် ။ရဟန်းများ ဘုရားတည်လျှင် အဲဒီ ဘုရားကို ၀ိနည်းမိုရ် ဆရာတော်ကြီးများ လုံးဝ မရှိခိုးပါ ။ မိမိတို့ကို အပ်ထားသော ငွေဖြင့်လည်း  ကိုယ်တိုင်ကျောင်းဆောက်လည်း အာပတ်သင့်၏ ။ ထိုကျောင်းတွင် သီတင်းသုံးသူအားလုံးအာပတ်သင့်၏ ။

ရွှေကျင် ဆရာတော်ဘုရားကြီး ခရီးသွားသည့်အခါ ဘုန်းကြီးကျောင်းများပေါ်တွင် တည်းခိုခြင်း မပြုဘဲသစ်ပင်အောက်၌သာ သီတင်းသုံးလေ့ရှိကြောင်းသိရသည် ။ မအပ်သော နည်းဖြင့် ဆောက်လုပ်ထားသော ကျောင်းဖြစ်လေမလားဟု သံသယရှိသောကြောင့် ဖြစ်ပေသည် ။ (ဤတွင် ဘုရားတည်ခြင်းနှင့် သိုက်စောင့်တို့ ၏ အခန်းကဏ္ဍကို နိဂုံးချုပ်ပါသည် ) ဗဟုသုတ ရရှိစေရန် ရည်ညွှန်းပါသည် ။အကြောင်းအရာ အချို့တ၀က်သာာ ရေးသားဖော်ပြပါသည် ။)

ပြိတ္တာတို့အတွက် အလှုပေးဝေမှု့

ကွယ်လွန်သူတို့အတွက် ပေးလှုသော အလှုဒါနကို ပေတဒါန ( ပြိတ္တာဒါန ) ဟုခေါ်သည် ။ သေပြီးနောက်  ပြိတ္တာဘ၀ ရောက်သွားသောသူအား ကောင်းကျုိးချမ်းသာရရှိစေရန် ရည်စူး၍ ပေးလှုသော အလှုဒါနဖြစ်သည်။  ဗုဒ္ဓနည်းကျကျ အလှုပေးမှ သာ ကောင်းကျိုးရနိုင်သည် ။ အလှုပေးတိုင်း သာဓုမခေါ်နိုင် ။

အင်္ဂါလေးရပ် တိကျစွာ လိုက်နာပါ

1. ကွယ်လွန်သူ မည်သူမည်ဝါအတွက် ဟု သေချာရည်စူး၍ ပေးလှုရမည် ။
2. ကွယ်လွန်သူကိုယ်တိုင် တမလွန် ဘ၀မှနေ၍ သာဓုခေါ်နိုင်သည့် ဘ၀မျိုးရှိခြင်း ။ သာဓုခေါ်နိုင်ရန် အသင့်ရှိခြင်း ။( ပြိတ္တာတိုင်း သာဓု မခေါ်နိုင် )
3. အလှုခံပုဂ္ဂိုလ် အနေဖြင့် ဒုဿီလ ( သီလမရှိသူ ) မဟုတ်သော သီလ၀န္တရဟန်း (သီလရှိသောရဟန်း) ဖြစ်ခြင်း (သို့ ) သံဃိက အလှုဖြစ်ခြင်း ။
4. လှုဖွယ်ဝတ္ထုမှာလည်း ရဟန်း သံဃာများနှင့်မအပ်စပ်သော ( အကပ္ပိယ အနာမာသ ) ငွေကြေးမဟုတ်တဲ့ ဘုရားရှင် ခွင့်ပြုထားသော ဆွမ်း ၊သင်္ကန်း၊ကျောင်း ၊ဆေး ဖြစ်ခြင်း အထက်ပါ အချက်များကို ထောက်ရှု့ပြီး သီလ ရှိမရှိ မခွဲခြားတက်ပါက

(က) သံဃိက အလှုဖြစ်အောင် သတိထားပါ ။

(ခ) ငွေ ကြေး လုံးဝ ( လုံးဝ ) မလှုပါနဲ့ ။ စာအိတ် နဲ့ ထည့်တာလဲ မလုပ်ပါနဲ့။ ဒုဿီလ ရဟန်းကိုပင် ဆွမ်းကပ်ရာသင်္ကန်းလှုပြီး အမျှဝေသည့်တိုင် ၊အကြိမ်ကြိမ် ပြုလုပ်သည့်တိုင် သာဓု မခေါ်နိုင်သော ၀တ္ထု သာဓက များရှိပါသည် ။

သံဃိကဒါနဖြစ်အောင် ဆွမ်းသွပ်နည်း

အလှုခံပုဂ္ဂိုလ်သည် သီလ ရှိသူ ဟုတ်မဟုတ် ( သင်္ကန်းဝတ်နေသူတိုင်း သီလရှိချင်မှ ရှိမည် ) စိစစ် ရွေးချယ်ရန် အခက်အခဲတွေ့လျှင် သံဃိက ဒါနအဖြစ် ဆွမ်းသွပ်လှုဒါန်းခြင်းသည် အကောင်းဆုံးဖြစ်သညါ ။ ကွ.်လွန်သူ သာဓုခေါ်နိုင်သည် ။ (မရွေးတက် ရွေးတက် သံဃိက အလှုဟာ အကောင်းဆုံး )

ကျောင်းသို့ သံဃာ သွားရောက် ပင့်သောအခါ  ကွယ်လွန်သူ မည်သူအတွက် ဆွမ်းသွပ်လှုဒါန်းလိုပါသည် ။ အရှင်ဘုရားကျောင်းမှ သံဃာ့ ကိုယ်စား သံဃာတော် ( –) ပါး ကြွရောက် ချီးမြှင့် အလှုခံတော်မူပါဘုရား  ဟု လျှောက်ထားပြီး ကြွ ရောက်လာသော သံဃာတော်များကို သ့ဃာ ဟူသောအမှတ်ဖြင့် ရိုသေလေးစားစွာ လှုဒါန်းရပါမည် ။

(သံဃာ ဆိုသည်မှာ မြတ်စွာဘုရား ၊သာဝကများ ၊ရဟန္တာများ အရိယာ သံဃာများ အားလုံးပါဝင်ပါသည် ) ဤ အထဲတွင် ဒုဿီလ ရဟန်း ပါဝင်နေသော်လည်း အရေးမကြီးတော့ပါ။ မိမိစိတ်ကသာ သံဃာကို ရည်စူးရန် လိုပါသည် ။

ဤသို့ မှန်ကန်စွာ သေသူအတွက် ဒါနပြုမှသာ အရာရောက်ပြီး သေသူမှ မကောင်းသည့်ဘ၀မှ ခေါ်နိုင်ပြီး ကျွတ်တန်းဝင်နိုင်သည် ။ ကျွန်တော်တို့ ဗုဒ္ဓဘာသာတော်တော်များသည် စေတနာ သဒ္ဓါ အားကောင်းကြ သော်လည်း ပညာနည်းနေသဖြင် သေသူအတွက် ငွေကုန်ကြေး အကုန်ကျခံ လှုဒါန်းပေးနေသော်လည်း အရာမရောက်သဖြင့် နားမလည် သူများအတွက်  ပညာမျှဝေ ပေးခြင်းသာဖြစ်ပါသည် ။ နားလည် သူများအား ဆရာလုပ်နေခြင်းမဟုတ်ပါ ။ လမ်းမှားနေသူများစွာ တွေ့ရှိနေရသောကြောင့် လမ်းမှန် တည့်မတ်ခြင်းဖြစ်ပါသည် ။ မှန်ကန်သော ဆွမ်းသွပ် ဒါနပြုခြင်းကို ပြုလုပ်နိုင်ပါစေ ။    ။

ဦးမြင့်ရွှေ

အထက်တန်းပြဆရာ (ငြိမ်း) ၊တောင်ငူ

09-5351410 , 054-25707

ဆရာ ဦးမြင့်ရွှေ ရေးသားသော တရားစာအုပ်များကို စိန်ရတနာ မိတ္တူမှ အထူးဈေးနှုန်းဖြင့် ကူးပေးနေပါသည်။

စိန်ရတနာ Riso မိတ္တူ ၊ ၇၆ ၊ ၃၂လမ်း ၊ရန်ကုန်မြို့။

ph- 388115,09-512750

ကိုယ်စိတ်နှစ်ဖြာကျန်းမာအေးချမ်းကြပါစေ ။

       မနှင်း

 

သံဝေဂလင်္ကာ (၃)

ရှာခြင်း နှစ်မျိုး

မသေမှီမှာ တရားရှာ ၊သေခါ ကိုယ့်နောက်ပါ ။

မသေမှီမှာ စီးပွားရှာ ၊သေခါစွန့်ရာမှာ ။

အိုမယ် ၊နာမယ် ၊သေမယ်

• ခန္ဓာပြိုကွဲ အိုမှာပဲ အိုရဲအောင်သာကြိုးစားပါ ။
• ခန္ဓာပြိုကွဲ နာမှာပဲ နာရဲအောင်သာကြိုးစားပါ ။
• ခန္ဓာပြိုကွဲ သေမှာပဲ သေရဲအောင်သာကြိုးစားပါ ။

အားကိုးစရာ

• မိဘ လင်သား မယားဆွေညာ ၊
• အားကိုးရာလား စဉ်းစားကြည့်ပါ ၊
• သေမင်းရန်က မတားနိုင်ပါ ၊
• မြတ်တရား အားထားအစစ်ပါ ၊
• မြတ်တရား ကြိုးစားပွားကြပါ ။

ပညာရှိတို့သာ သိနိုင်ရာ

• သံသစ်သားကြိုး နှောင်ဖွဲ့မျိုး မခိုင်မာဟု ဆိုကြသည်ပါလည်း
• တဏှာစစ်စစ် ဖွဲ့တက်လှစ်သည် ဇနီးမယား သမီး ၊သားနှင့် ၊
• လင်သား အိမ်ယာ အဖြာဖြာသာနှောင်ဖွဲ့တာမို့ ၊ အပါယ်ကျတာမို့ ၊
• ငဲ့ကာဖင်နှေး ၊ချိန်မရွေးဘဲ အငဲ့စွန့်ခွာပြေးတော့လေ ။

အပြီးလုပ် မှ အလုပ်ပြီးသည်

၁။ အလုပ်တွေ ပြီးမှ တရားအားထုတ်မယ် ဆိုရင် အလုပ်က ဘယ်တော့ပြီးမှာလဲ ။

၂။ အိမ်အလုပ်ဆို တာ အိမ်ရှိနေသမျှ ရှုပ်နေဦးမှာပဲ ။

၃။ ရုံးအလုပ်ဆိုသည်မှာ ရုံးရှိနေသမျှ ရှုပ်နေဦးမှာပဲ ။

၎။ ကျောင်းအလုပ်ဆိုသည်မှာလည်း ကျောင်းရှိနေသမျှ ရှုပ်နေဦးမှာပဲ ။

၅။ အပူဆိုသည်မှာ ဟောဒီ ခန္ဓာကိုယ်ကြီးရှိနေသမျှ ရှိနေဦးမှာပဲ ။

၆။ အိမ်အလုပ်စတာတွေကို ဦးစားပေးလို့ဘယ်ဖြစ်မလဲ ။

၇။ ခန္ဓာကိုယ်ကြီးက ကိုယ့်အတွက် ဘယ့်တုန်းကများ အနားပေးဖူးပါသလဲ ။

၈။ ဇရာ ၊မရဏာတွေက လက်ဦးသွားရင် တစ်ဘ၀အလကားဖြစ်သွားမှာပေါ့ ။

အမြန်တန်ဆာဆင်ကြ

၁။ လက် ၏ တန်ဆာဟူသည် လက်စွပ် ၊လက်ကောက် နာရီ ကို မဆိုလို ၊စွန့်ကြဲပေးကမ်းခြင်းဒါန ကို ဆိုလိုသည် ။

၂။ ကိုယ် ၏ တန်ဆာဟူသည် ဆွဲကြိုး ၊ ရင်ထိုး ၊ဘယက်ကို မဆိုလို ၊ ကိုယ်ကျင့်သီလ စောင့်ထိန်းခြင်းကိုဆိုလိုသည် ။

၃။ နား ၏ တန်ဆာဟူသည် နားဆွဲ ၊နားကပ်  ကို မဆိုလို ၊ တရားနာခြင်း ၊ ဓမ္မဿဝန ကို ဆိုလိုသည် ။

၎။ စိတ် ၏ တန်ဆာဟူသည် စိတ်ကူးကြည်နူးမှု့ကို မဆိုလို ၊၀ိပဿနာတရား ဘာဝနာတရား အားထုတ်ခြင်းကို ဆိုလို  သည် ။

ဘ၀တန်ဘိုး

• ဖြစ်ပျက်နှစ်ဖြာ မမြင်ပါဘဲ တစ်ရာအသက်ရှည်သည်ထက်လည်း ၊
• ဖြစ်ပျက်နေဟန် ရုပ်နှင့် နာမ်ကို အမှန်မြင်လျှက် ညဏ်စဉ်ထက်၍ တရက်တာမျှ သက်ရှည်ရသော် လောက လူ့ရွာ ကောင်းမြတ်သာသည် ။
• ဗုဒ္ဓမြတ်စွာ မိန့်ခွန်းတည်း ။

တန်ဖိုးကြီးလှ တခဏ

• လက်ဖြောက်တစ်ချက် ၊ လျှပ်တစ်ပြက် ၊ မျက်စိတစ်မှိတ်တွင် ။
• အက္ခရာတစ်လုံး ၊ ရွတ်နေတုန်း ၊ မဆုံးသေမီတွင် ။
• ရုပ် နာမ်အစု ၊ ပြောင်းလဲမှု့ ၊ မှတ်ရှုပေးလိုက်လျှင် ။
• ကောင်းမှု့အားလုံး ၊ လွှမ်း၍ဖုံး ၊ ထိပ်ဆုံးရောက်သူပင် ။
• ကိုယ်မှာ ဖြစ်ဘိ ၊ နောက်စိတ်သိ ( ဖြစ်တိုင်းသိ ) သိတိုင်းအပူစင် ။
• အပူစင်က ၊ ဖြစ်ပျက်ကြ  ၊ မုချအမှန်ဖြင် ။
• အမှန်မြင်မှ ၊ ချမ်းသာရ ၊ ဒုက္ခလွတ်မည်ပင် ။

လမ်းနှစ်သွယ်

ခန္ဓာခေါ်ရာ လိုက်ခဲ့ပါ ၊သုဿာန်လမ်းဆုံးသည် ။

ညဏ်ခေါ်ရာတွင် လိုက်ခဲ့လျှင် ၊ နိဗ္ဗာန်လမ်းဆုံးသည် ။

ခဏ ( ၄ ) ပါး

• ဘုရားပွင့်ရာ ချိန်အခါ သင့်မှာမလွန်စေနှင့် ။
• သာသနာထွန်းရာ ဒေသဟာ သင့်မှာ မလွန်စေနှင့် ။
• သမ္မအယူ ရထားသူ သင့်မူ မလွန်စေနှင့် ။
• အာယာတနခြောက်ဖြာ မချို့ရာ ခွင့်ခါမလွန်စေနှင့် ။
• ခဏလွန်သွား အပါယ်လား တွေ့ငြားအပူနှင့် ။

ချိန်ခါရှိတုန်း စုပါလေ

အထုပ်ကလေး တပြင်ပြင် စိတ်ကူးမျိုးစုံဝင် အထုပ်ရှင်မှာ သေလို့သွား ကျန်တဲ့သူတွေ ဝေလို့စား အထုပ်ရှင်မှာ အလကား ဘာကမှာလဲ ပါမသွား သေရွာကျတော့ အပါယ်သွား နိဗ္ဗာန်ရောက်ဖို့ အခက်သား ။

ကုသိုလ် ပုည ပြုမှတော် အဲဒါ အဖော်နော် ၊အဖော်ပါမှ စိတ်မှအေး ဘ၀ဖန်ခါ ရိက္ခာဆေး ၊ရုပ် နာမ်နှစ်ဖြာ ဒုက္ခပေး သက်တမ်းလေးက အတိုလေး အိုနာသေက မကင်းသေး ၊နိဗ္ဗာန်ရောက်မှ ဒုက္ခဝေး ။

ပစ္စည်းဥစ္စာ အဖြာဖြာသည် ငါပိုင်ဥစ္စာ သမုတ်ပါလဲ ၊ ငါ ပိုင် မဟုတ်ချေ ။ခန္ဓာကြွေပျောက် သေပြီးနောက်ဝယ် ကိုယ့်နောက်မပါ အိမ်ဂေဟာ ၌ စုပုံလျှက်ကျန်နေရစ်၏ ။

ဆွေမျိုး မိဘ အ၀၀သည် ချစ်ကြသော်လဲ မလွဲမသွေ ကွဲရပေမည် ။ သေရာ ကိုယ့်နောက် တစ်ယောက်မပါ ငိုယိုကာဖြင့် မြှုပ်ရာ သင်္ချိုင်း မြေလုပ်တိုင်းမှာ မဆိုင်းမတွေ ပြန်လေကြ၏ ။

ကိုယ်တိုင်စီမံ ကုသိုလ်ကံသာ မကွာကိုယ့်နောက် တစ်ကောက်ကောက်ပဲ လိုက်တက်မြဲမို့ ကိုယ့်ဖို့ဥစ္စာ ကိုယ်တိုင်ရှာ ချိန်ခါရှိ တုန်း စုပါလေ ။

ဝဋ် ၏ သားကောင်   

အို ဘယ့်လူသား ငမိုက်သား သင်ကား အ၀ိဇ္ဇာ ၊ ပိတ်ဖုံးကာ၍ ငါးဖြာအာရုံ ဒုက္ခပုံကို အကုန်မမြင် အကောင်းထင်ကာ ခင်မင်တပ်မက် တွယ်တာဖက်လျှက် အောက်ထက်သံသာ ၊စုန်ဆန်ကာဖြင့်  တဏှာလက်သယ် ထင်တိုင်းဖြခယ်၍ အေးတယ်မရှိ ဆင်းရဲဘိသည် ၀ဋ၏သားကောင်လုံးလုံးတည်း ။

ဝဋ် ၏သားကောင် ဒုက္ခဘောင်မှ လွတ်အောင် ရုန်း၍ ချမ်းသာတွေ့ဖို့ မမေ့ရုပ်နာမ် ဖြစ်ပျက်ဟန်ကို အမှန် ညဏ်ညှိ ဖြစ်တိုင်းသိလော့။ ၀ီရိယနှစ်တန် ရှို့မြိုက်တန်ဖြင့် ဆယ်တန်ကိလေ လောင်ကျွမ်းကြေအောင် မသေမနာ မအိုပါခင် တက်သုတ်နှင်လျက် ဆောလျင်မြန်စွာ ရှို့မြိုက်ပါလော့ ၊ နောင်ခါကာလ ချိန်လွန်ရဟု နောင်တ  တကြီး သင်မညည်းလင့် ၊ဇနီးမယား ၊သမီး ၊သားနှင့် လင်သား အိမ်ယာ အဖြာဖြာ ကို ငဲ့ကာဖင့်နှေး အချိန်ရွေးက သေဘေးသင့်ကို ဦးလိမ့်တည်း ။          

ကိုယ်စိတ်နှစ်ဖြာကျန်းမာအေးချမ်းကြပါစေ ။

မနှင်း     

သင့်လက်များဖြင့် ( မင်းယုဝေ )

 

Credit - ကဗျာဆရာကြီးများ ၏ ကဗျာများစုစည်းမှု့ Facebook page မှ ..

 

သင့် လက်များဖြင့်

စွမ်းအားကုန်ကာ ၊ ရေငတ်လာသော

မောရှာသူများ ၊ ခရီးသွားကို

ကြီးမားမေတ္တာ ၊စေတနာဖြင့်

လှမ်းကာ ကမ်းကာ ၊ရေ တိုက်ပါသော်

အဟော်ဝတ ကောင်းလေစွ ။

 

သင့်လက်များဖြင့်

အစားအစာ ၊ မွတ်သိပ်ရှာသော

ခမျာနွမ်းပါး ၊ ဆင်းရဲသားကို

သနားကြင်နာ ၊ ကျွေးမွေးပါသော်

အဟော်ဝတ ကောင်းလေစွ ။

 

သင့်လက်များဖြင့်

သနားဖွယ်ရာ ၊ ကံဆိုးရှာသော

ရောဂါခံစား ၊သူနာများကို

ထောက်ထားစာနာ ၊ပြုစုပါသော်

အဟော်ဝတ ကောင်းလေစွ ။      ။

(မင်းယုဝေ )

ကိုယ်စိတ်နှစ်ဖြာ ကျန်းမာအေးချမ်းကြပါစေ ။